Pavarësisht masave shtrënguese të trojkës së ndërkombëtarëve dhe protestave masive nga të gjitha shtresat e popullsisë, Greqi duket se nuk e ka ndierë krizën ekonomike.

Pas masave të pa precedenta në historinë e vendit, qeveria helene ka miratuar një vendim duke lëvruar një fond, jo pak, por 29 milionë euro për të ndërtuar një pistë për garat e shpejtësisë së lartë. Impianti gjigant që është planifikuar të ndërtohet kushton plot 96 milionë euro, por qeveria ka derdhur vetëm 29 milionë, sakaq, pjesën tjetër do ta mbulojë sektori privat.

Qeveria e justifikon vendim e marrë me faktin për të përmirësuar imazhin e vendit te sipërmarrësit e huaj për të investuar në Greqi. Ndërsa në këtë pistë pritet që në vitet e ardhshme të zhvillohen garat e MOTO GP dhe Formula 1.

(d.b/shqiptarja.com)