POP 5

Lajmet më të lexuara të 5 minutave të fundit

Sport

Grushti i Hekurt/ E premtja nata e boksit në Shqipëri, medalisti Beqiri përballë kampionit moldav: Pres mbështetjen e zjarrtë të publikut (VIDEO)

Kryeqyteti do jetë dëshmitar i tetë sfidave tejet interesante të boksit ditën e premte. Një nga përballjet që pritet me padurim është ajo e olimpistit Alban Beqiri, i cili do ketë përballe kampionin e Moldavisë. Për Report TV 28-vjeçari premton se do bëjë të pamundurën për të vijuar rekordin e fitoreve në boksin profesionist.

Të premten më 17 mars boksierët shqiptarë të boksit profesionist do kenë përballje spektakolare ndaj kundërshtarëve respektive në evenimentin e quajtur ‘Grushti i Hekurt’ që organizohet në kompleksin olimpik ‘Feti Borova’. Medalisti shqiptar në boksin Olimpik, i renditur i treti në botë Alban Beqiri, do përballet me kampionin e Moldavisë Vasile Negara. Ky i fundit ka 6 ndeshje në boksin profesionist, 3 fitore dhe 3 humbje kundrejt 6 fitoreve në 6 ndeshje të 28-vjeçarit Alban Beqiri, i cili për peshat e mesme renditet i 453 në botë.

“Të gjitha i kam fitore, asnjë humbje asnjë barazim. Shpresoj që të mbaj këtë ritëm dhe do mundohem të bëj më të mirën sepse dua të ngjitem sa më lart në renditjen e boksit botëror. Kundërshtari është i fortë, më i miri i Moldavisë. Mban vendin e parë si në boksin olimpik ashtu edhe në atë profesionist. E kam studiuar, jam përgatitur dhe më të mirën do jap si unë si ai. Shpresoj t’ia dal. Të fitojë më i miri. Ky është sport, por unë do të bëj më të mirën,”-u shpreh Alban Beqiri, boksier.

Publikun pritet ta mbajë të mbërthyer me emocione edhe përballja e boksierit tjetër shqiptar Alban Bermeta, i cili sfidon letonezin Eduards Vaisa.

“Duke e ditur që është një ndeshje e fortë jemi përgatitur mirë. Jam në formë dhe shpresoj që çdo gjë të shkojë siç duhet. E kam studiuar kundërshtarin. Është i mirë, ka shumë eskperiencë, por të lejon të bësh boks. Është një ndeshje e pasur,”-tha Alban Bermeta, boksier.

Pas disa vitesh përballje kaq të rëndësishme të boksit profesionist do zhvillohen në kryeqytet, publiku i të cilit do ketë mundësinë të shijojë 8 ndeshje.

“Tani që do organizohet në Tiranë do ketë mbështetje më të fortë. Jam i sigurtë për këtë. Uroj që të ti bëj krenar ashtu siç pret të më bëjnë dhe ata mua,”-u shpreh Alban Beqiri, boksier.

“Gjithmonë këtu në Tiranë e kami patur publikun shumë të zjarrtë. Kanë qenë një mbështetje shumë e madhe për sportistët,”-deklaroi Alban Bermeta, boksier.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 14/03/2023 12:44

    Alban Beqiri me 6 ndeshje te bera dhe 6 te fituara eshte i 3 apo i 453 ne renditjen boterore?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56