Sulmuesi i Manchester City-t, Erling Haaland është nën hetimin e policisë pasi dyshohet se ka përdorur një celular gjatë vozitjes.
Media ‘The Sun’ publikoi të hënën imazhe dhe pamje të cilat duket se tregojnë norvegjezin në makinën e tij në një incident që ndodhi më 15 mars afër stadiumit Etihad.
Policia e Mançesterit i është përgjigjur raportit që përfshin Haaland dhe ka konfirmuar se janë të vetëdijshëm për ngjarjen dhe po hetojnë incidentin.
![](https://shqiptarja.com/template/img/NO_ALFA_Kuadrate shqiptarja.png)
Sulmuesi mund të gjobitet me 200 paund dhe të t’i ulen gjashtë pikë në patentën e tij të drejtimit nëse shpallet fajtor.
Haaland u transferua te Manchester City nga Borussia Dortmund në afatin kalimtar të verës në një marrëveshje me vlerë 51 milionë £ (63 milionë dollarë) dhe ka qenë një goditje e madhe në Premier League.
22-vjeçari është golashënuesi më i mirë në kompeticion deri më tani në sezonin 2022-23, duke shënuar 28 herë dhe ka gjithsej 42 gola për Cityn në vetëm 37 ndeshje në të gjitha garat në sezonin e tij debutues.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)