POP 5

Lajmet më të lexuara të 5 minutave të fundit

Politikë

Hajdari bisedë 'online' me Kim: I shpreha shqetësimin se ndryshimet e Kodit Penal cenojnë Kushtetutën

Kryetarja e grupit parlamentar demokrat, Rudina Hajdari ka zhvilluar një video-konferencë me ambasadoren e SHBA-së, Yuri Kim.

Hajdari bisedë 'online' me Kim: I shpreha shqetësimin se ndryshimet e Kodit Penal cenojnë Kushtetutën

Kim dhe Hajdari në një video-konferencë

TIRANË- Kryetarja e grupit parlamentar demokrat, Rudina Hajdari ka zhvilluar një video-konferencë me ambasadoren e SHBA-së, Yuri Kim.

Mësohet se në fokus të këtij takimi ka qenë Gjendja e vështirë ekonomike e disa familjeve shqiptare si pasojë e COVID-19, si dhe ndryshimet në Kodin Penal, për të cilat Hajdari i ka cilësuar si anti-Kushtetuese, dhe në intervistën që ka pasur dje për Report Tv ka deklaruar se nuk do t'i votojë. 

Hajdari ka qenë personalisht e angazhuar për të ndihmuar familje në nevojë, duke u dërguar pako me ushqime bazë, për t'ua lehtësuar sado pak karantinimin. Për këtë arsye, ajo ka informuar Kim edhe për situatën e vështirë ekonomike të këtyre familje, ku nuk ka nguruar për ta falenderuar për ndihmat që SHBA-ja ka dhënë për Shqipërinë në këto ditë të vështira.

"Kënaqësi të bashkëbisedoja nëpërmjet video-konferencës me Ambasadoren amerikane Znj. Yuri Kim, mbi situatën e tanishme në Shqipëri.  E informova për gjendjen e vështirë në të cilën ndodhen shumë familje shqiptare, realitet të cilin e kam prekur këto ditë teksa jam munduar të ndihmoj sado pak këto familje në nevojë.

Gjithashtu shpreha shqetësimet e mia për gjendjen emergjente nga COVID-19, mbi ndryshimet e Kodit Penal, të cilat janë të panevojshme e sidomos përmenda faktin se këto ndryshime cenojnë Kushtetutën dhe Konventën Europiane për të Drejtat e Njeriut.  Gjeta rastin të falenderoja ambasadoren për kontributin e SHBA-së, me pajisje personale të mbrojtjes nga programi për Asistencë Humanitare i Komandës Europiane të Shteteve të Bashkuara në mbrojtjen e punonjësve të shëndetit në vijën e parë të luftës kundër COVID-19", shkruan Hajdari. 

Kim dhe Hajdari në një video-konferencë

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arelin: 15/04/2020 20:35

    O zonje cfare politikane je ti qe ankohesh direkt tek amerikanet.Turp

    Përgjigju
    • ecAty: 15/04/2020 22:54

      politikane me shtetesi amerikane ...

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55