POP 5

Lajmet më të lexuara të 5 minutave të fundit

Sport

Halili: Ekipi i "Tiranës", jam gati
ta marr përsëri, të privatizohet

Ish-presidenti i ekipit të Tiranës në një intervistë për ‘Shqiptarja.com’ analizon situatën te ekipi bardheblu.
TIRANE - Ekipi i "Tiranës" nuk po gjen qetësi në edicionet e fundit të futbollit shqiptar duke pësuar një rënie drastike nga njëri edicion në tjetrin, madje duke rrezikuar qëndrimin në elitën e futbollit shqiptar. Pozicioni i bardhebluve pas 4 javëve të para në Superligë është mjaft kritik, pasi renditet në vendin e 10, që do të thotë se është në radhën e ekipeve që bien nga Superliga. Por, për fatin e mirë të 24 herë kampionëve të vendit ky është vetëm fillimi i edicionit. Me afrimin e donatorëve vetëm 24 orë nga mbyllja e merkatos u tha nga Bashkia se problemet morën fund, por në fakt një gjë e tillë nuk po reflektohet. Në një intervistë për ‘Shqiptarja.com’ ish-presidenti dhe aktualisht donatori, Refik Halili shpjegon problemet e bardhebluve.

Z. Halili si e komentoni startin e Tiranës këtë edicion?
Sigurisht që nuk është një start pozitiv, por nuk duhet që të harrojmë faktin që për merkaton kishim në dispozicion vetëm 24 orë. Tentuam maksimumin në momentet e fundit për të marrë disa futbollistë cilësorë, por koha nuk ishte në favorin tonë.

Me këtë gjendje që është aktualisht, Tirana rrezikon qëndrimin në Superligë.

Nuk do të lejojmë rënien e Tiranës nga elita e futbollit shqiptar, pasi kam besim që ekipi do të ringrihet shumë shpejt. Në merkaton e dimrit do të tentojmë që të afrojmë disa elementë të tjerë në ekip për të kompletuar grupin.

Cilat janë konkluzionet e analizës që keni bërë për katër ndeshjet e para të kampionatit?
Unë nuk kam marrë pjesë në asnjë mbledhje që ka zhvilluar ekipi i Tiranës, pasi nuk jam anëtar i bordit drejtues. Kemi bërë një marrëveshje me Bashkinë që të financojmë ekipin për një vit. Për mbarëvajtjen e punës dhe rezultatet nuk përgjigjemi pasi janë kompetencat e bashkisë.

A parasheh marrëveshja me Bashën njohjen e donacioneve?
Nuk kemi biseduar për këtë temë. Afrimi im te Tirana për ta ndihmuar në këtë moment të vështirë erdhi vetëm për shkak të dëshirës që mos përfundonte në krizë. Tirana është pjesë e zemrës sime dhe do të jap maksimumin për të mos e lënë të rropatet në vendet e fundit të renditjes.

Sa është shuma që keni vendosur që të jepni për Tiranën këtë edicion?
Ramë dakord me të gjithë aksionerët që duhet të derdhim në arkat e klubit bardheblu cdo muaj nga 2 milion lekë të reja. Marrëveshja është deri në përfundim të edicionit, më pas nuk e di se cfarë do të ndodhë.

A i keni paraqitur Bashës një plan për blerjen e të gjitha aksioneve të Tiranës?
Po, por më parë duhet të rishikohet vlera e aseteve të klubit, pasi është shumë e lartë. Mendoj që duhet të bëhet edhe një llogaritje, pasi e para është shumë e lartë duke mos u përputhur me vlerën reale.  Nëse ndodh kjo dhe nëse Bashkia e kalon vendimin në Këshillin Bashkiak jam gati që të investoj në ekipin e Tiranës.

Shkrimi u botua sot në Shqiptarja.com, versioni print, dt.24.09.2013

Redaksia online
(Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

15 Janar, 19:00