Hapet gara për drejtuesin e SPAK, afati dhe kriteret që duhet të plotësojnë kandidatët

Pas emërimit të 8 anëtarëve të parë të SPAK, KLP ka hapur garën për drejtuesin e kësaj strukture, e cila do të ketë si fokus hetimin e zyrtarëve të lartë të korruptuar dhe krimin e organizuar.

Kreu i KLP-së, Gent Ibrahimi në mbledhjen e ditës sotme, bëri me dije se afati për të zgjedhur drejtuesin e SPAK është 15 ditë.

Po ashtu, KLP ka njoftuar edhe kriteret që duhet të plotësohen për t’u bërë drejtues i kësaj strukture.

Eksperienca në ndjekjen e çështjeve sensitive, eksperienca dhe aftësia në organizim dhe drejtim strukture, do të vlerësohen nga KLP në momentin që do të ketë kandidatë për të qenë drejtues i SPAK.

Po ashtu, anëtarë të KLP do kenë parasysh edhe eksperiencat në hartim të rregullt administrativ, dosjet e ndjeshme për publikun që kanë hetuar, apo edhe imazhin publik i kandidatëve.

Edhe pse pati debat për mënyrën sesi do të vlerësohen kandidatët, me 6 vota pro dhe 5 kundër, Këshilli ka vendosur që vlerësimi të bëhet nga KLP dhe jo nga Këshilli i Posaçëm.

Lajmi kryesor:

Ngrihet SPAK, kush janë 8 prokurorët e parë që do të hetojnë zyrtarët e korruptuar dhe krimin e organizuar! Hapet gara për drejtuesin

TAG:
• spak
• KLP
• altin hajri