Kryeministri Edi Rama ka njoftuar hapjen për qarkullim të një tjetër segmenti të Korridorit të VIII, nga dalja e fshatit Labinot-Fushë deri pas fshatit Mirakë.

Përmes një postimi në rrjetet sociale, ku ka publikuar edhe pamje nga aksi, Rama ka shkruar se segmenti i ri rrugor tashmë është i aksesueshëm me dy korsi vajtje-ardhje.

Më tej kryeministri shkroi se hapja e këtij segmenti përmirëson qarkullimin, rrit sigurinë rrugore, shkurton kohën e udhëtimit dhe lehtëson transportin e qytetarëve dhe të mallrave.

Postimi i Ramës:

Ndërkohë që punimet vijojnë, është hapur për qarkullim një tjetër segment i Korridorit VIII

Nga dalja e fshatit Labinot-Fushë deri pas fshatit Mirakë, tashmë është i aksesueshëm segmenti i ri rrugor me dy korsi vajtje-ardhje

Hapja e këtij segmenti përmirëson qarkullimin, rrit sigurinë rrugore, shkurton kohën e udhëtimit dhe lehtëson transportin e qytetarëve dhe të mallrave