Pas miratimit në qeveri të projekteve për ndërtimin e banesave individuale për familjet e mbetura pa shtëpi si pasojë e tërmetit të 26 nëntorit, Fondi Shqiptar i Zhvillimit ka hapur këtë të martë tenderin e parë për rindërtimin e banesave individuale.
Në Agjencinë e Prokurimeve Publike është hapur tenderi ndërkombëtar për Rindërtimin e shtëpive individuale në zonat e prekura nga tërmeti (në kuadër te procesit te rindërtimit) me një fond limit prej 42.4 milionë eurosh ose rreth 6.2 miliardë lekësh me TVSH. Sipas dokumenteve zyrtare kohëzgjatja për zbatimin dhe ekzekutimin e kontratës do të jetë 24 muaj, ndërkohë marrëveshjet kuadër, që do të lidhen sipas kërkesave të Autoriteteve vendore mund të zgjasin edhe deri në 4 vite. Afati kohor për dorëzimin e ofertave ose kërkesave për pjesëmarrje është 19 marsi 2020.
Kjo kontratë përfshin rindërtimin e shtëpive individuale sipas projekteve model (1+1, 1+2, 1+3) në territorin e bashkive Durrës, Kamëz, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë. Fondi Shqiptar i Zhvillimit është parashikuar të ndërtojë me këtë fond 2500 njësi banimi individuale, të cilat ndahen në 683 banesa 1+1, 972 banesa 2+1 dhe 845 banesa 3+1. Ndërsa pjesa tjetër prej 889 banesash pritet të ndërtohen nga fondi i përcaktuar për bashkinë e Tiranës.
Vlera prej 6.2 miliardë lekësh që administrohet nga FSHZH është siguruar nga Fondi i Rindërtimit në Buxhetin e shtetit. Ofertat e bëra do të vlerësohen për kapacitetet teknike, kushtet ligjore, si dhe ofertën ekonomike. 3400 banesat individuale që do të ndërtohen do të jenë rezistente ndaj tërmeteve deri në 9 ballë, ato janë të projektuara që të kenë një kosto financiare të ulët ndërtimi dhe të kenë eficiensë energjie. Deri më tani sipas informacioneve me një banesë të tillë çdo familje do të kursejë 150 mijë lekë në vit, nga energjia elektrike.
Lajme të tjera
-
Tenderi 166 mln lekë! ‘Fluturim’ mbi liqene, do të ndërtohen 8 zip-line
27 Gusht, 16:00
-
Komisionet miratojnë projektligjin për prokurimin publik! Tenderat dhe vlerësimi do bëhet online, ofertat fiktive skualifikohen nga gara
5 Shkurt, 15:32
-
Krijohet shoqëria aksionare në pronësi të shtetit për tenderat publikë! Nis punën brenda 31 dhjetorit, do bëjë të gjitha blerjet
7 Shtator 2023, 18:15 -
Projekti ‘100 fshatrat’, qeveria jep 600 mln lekë për ndërtimin e një parku multifunksional në Valias! 400 mln lekë për blerje makinerish për mirëmbajtjen e rrugëve rurale
5 Korrik 2023, 15:38 -
Projekti i Fondit Shqiptar të Zhvillimit, Rama: Ka shtuar punën, shërbimet dhe turizmin
25 Janar 2023, 14:14 -
Pezullohet rindërtimi i shtëpive individuale në Lezhë! Tërhiqet kompania, shkak rritja e kostos së ndërtimit
14 Janar 2023, 18:12
-
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Rama: Parking i ri në Durrës, hapësirë për 400 automjete! Energjia do sigurohet me panele diellore! VIDEO nga projekti 3D
7 Nëntor 2022, 09:06 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
