Hapi i parë për bashkim është dorëheqja e Berishës!

E gjithë përgjegjësia për situatën aktuale në PD është  vetëm e Berishës! Kjo lidhet për faktin se ai është  lideri i saj historik e për  pasojë pesha bie ezkluzivisht mbi supet e tij, qoftë në simbolikë ashtu edhe në qëndrime apo aksione konkrete!

Kush është dallimi i madh mes Berishës dhe Bashës?

Basha u detyrua të  ndërmerrte një vendim për të  pezulluar Berishën pas vendimit të  Non Gratave të  SHBA! Basha nuk ndërmori asnjë nismë për të  përjashtuar  askënd nga PD e as për të krijuar struktura paralele! Ndërsa  Berisha çështjen personale të tij me SHBA-të e ktheu si çështje të PD kundër  SHBA-ve e çështje personale ndaj Bashës!

Berisha mori një seri nismash e aksionesh që të zyrtarizojë përçarjen e po ashtu mundësoi krijimin e strukturave paralele.

Disa nga aksionet e nismat e Berishës:

- Nismave e firmave për të referendum

-Mbledhja në stadium

Por, aksionet e qëndrimet e Berishës  patën dy momente të vështira tjera kulminante:

- Sulmi i 8  janarit i kundër  PD që vetë e themeloi e po ashtu kundër kryetarit Basha që e kishte të legjitimuar po vetë përmes primareve

- Dalja në zgjedhjet e 6 bashkive me kandidat, por me një sigël tjetër hapur kundër partisë që ai vetë e themeloi dhe kundër demokratëve.

Këtë të dytën  për të ta kuptuar më mirë po ju marr një shembull:

Në  Dibër kandidat për  kryebashkiak ishte  Luan Haka, demokrat 24 karat që thuajse gjithë  jetën e tij ja ka dedikuar Berishës, karrierës së tij e siglës së PD, por ai e humbi këtë  bashki për faktin se përballë dhe në mënyrë absurde si kundërshtarë do të kishte  kryetarin e tij historik! Çfarë do i themi Luanit e të tjerëve për humbjen e pamerituar që ju ofruam? Çfarë mund t'i thotë Berisha Luanit e demokratëve të tjerët  dibranë? Më falni, por egoizmi im vlen më shumë shumë se sakrifica juaj! Nëse  Basha dha dorëheqjen e nuk sulmojë asnjëherë përballë asnjë demokrat dhe për të mos thelluar përçarjen dha dorëheqjen, Berisha, jo vetëm nuk e bëri, por bëri gjithçka të njëanshme në shërbim të vetes, sepse bëri zgjedhje e përzgjedhje të  njëanshme, mundësoi struktura paralele dhe doli kundër  partisë që ai vetë e themeloi! Madje, ka iniciuar procesin e primareve në kushtet e strukturave të  njëanshme dhe paralele! Në këto momente e rrethana nuk mund të ketë  bashkim të sinqertë e as mundësi për procese bashkuese nëse Berisha nuk tërhiqet nga protagonizmit dhe egoizmi i tij! Demokratët kanë dhënë gjithçka për Berishën për të 30 vjet e ky i fundit një gjë shumë të vogël mund të bëj për ta, por me rëndësi jetike, të bëj një hap mbrapa dhe të lërë që të demokratët ta gjejnë vetë rrugën e bashkimit, pa qenë të diktuar!

SI.E./Shqiptarja.com

TAG:
• alban daci
• sali berisha
• Lufta brenda PD