Hapja e bllokut të dytë të bizneseve, ja lista e plotë e aktiviteteve që nisin punën pas 27 prillit

Kryeministri Edi Rama publikon listën e plotë të bizneseve që do të lejohen të hapen pas 27 prillit. Në këto biznese përfshihen shitjet me pakicë të mallrave në dyqane të specializuara, taksitë, shitja me pakicë e tekstileve dhe këpucëve, tregtia me pakicë e mobileve, pajisjeve të ndriçimit, artikujve shtëpiake, dyqanet e luleve, bimëve, kafshëve shtëpia dhe suhqimit të tyre në dyqane të specializuara, dyqanet e orëve dhe bizhuterive, pajisjeve audio dhe video, aktiviteti i publikimit të muzikës, tregtia e qilimave, sixhadeve, veshjeve të mureve lodrave,shitjet me pakicë e sistemeve të sigurisë etj.

Kryeministri shprehet se të gjitha këto biznese që do të hapen në fazën e dytë duhet që të plotësojnë protokollin e sigurisë dhe masave kundër COVID-19 në aktivitetin e tyre, në të kundërt do të mbyllen. Gjatë deklaratës për mediat, Rama tha se do të qëndrojnë gati për t’u rikthyer në fazën fillestare nëse epidemia do të arrije në nivele të padëshirueshme.

"Ja aktivitetet që do të lejohen të hapen nga e hëna 27 prill. Të gjitha bizneset duhet të marrin vërtetimin për hapje aktiviteti në e-albania dhe të njihen me protokollin e sigurisë përmes www.e-albania.al. Vërtetimi dhe protokolli duhet të disponohen në mjediset e biznesit përkatës. Nga hapja e këtyre bizneseve kthehen në punë 27.589 punonjës dhe pavarësisht fillimit të punës përfituesit nga paketa e parë apo paketa e zgjeruar, nuk do ta humbasin mbështetjen financiare prej 3x26.000 apo 1x40.000 lekësh. Shërbimi taksi do të ketë protokoll të veçantë", shkruan Rama

Lajmi kryesor:

Më 27 prill hapet blloku i dytë i bizneseve, mbi 27 mijë punonjës kthehen në punë! LISTA e plotë kush përfiton (VIDEO)

TAG:
• edi rama
• Koronavirus
• koronavirusi ne shqiperi