POP 5

Lajmet më të lexuara të 5 minutave të fundit

Politikë

Hapja e grup-kapitujve/ Komisioneri Varhelyi: Mbështetje Shqipërisë në përshpejtimin e reformave, anëtar të BE deri në fund të mandatit të ardhshëm (VIDEO)

Përfaqësuesi i lartë i BE, për Fqinjësinë dhe Zgjerimin, Oliver Varhelyi, publikoi në rrjetin social X një video nga konferenca dhe takimet e 15 Tetorit, ku shfaqet edhe në krah të kryeministrit Rama: "Angazhimi i fortë i Shqipërisë në procesin e reformave për në BE na bëri që javën e kaluar të hapnim grupin e parë – Themelorët, në kuadër të integrimit"

Hapja e grup-kapitujve/ Komisioneri Varhelyi: Mbështetje Shqipërisë në përshpejtimin e reformave, anëtar të BE deri në fund të mandatit të ardhshëm (VIDEO)

Komisioneri Varhelyi dhe kryeministri Rama

Ndërsa Shqipëria mbajti më 15 Tetor Konferencën e Dytë Ndërqeveritare me Bashkimin Europian, duke hapur grup-kapitullin e parë të negociatave për anëtarësim, ka ardhur një tjetër reagim me peshë nga Brukseli.

Ka qenë Komisioneri i BE-së për Fqinjësinë dhe Zgjerimin, Oliver Varhelyi, ai që ka ndarë një video në rrjetin social X, teksa thekson edhe një herë “mbështetjen në procesin e integrimit të Shqipërisë në BE”.

Në videon e publikuar, shfaqen momentet e konferencës së rëndësishme, takimi me kryeministrin Edi Rama dhe nënshkrimet mes palëve.

Varhelyi shkruan se “do i japin Shqipërisë gjithë mbështetjen për të përshpejtuar procesin e reformave, në mënyrë që vendi të jetë anëtar i BE-së deri në fund të mandatit të ardhshëm”.

Postimi i Oliver Varhelyi:

“Angazhimi i fortë i Shqipërisë në procesin e reformave për në BE na bëri që javën e kaluar të hapnim grupin e parë – Themelorët, në kuadër të integrimit. Ne i japim Shqipërisë gjithë mbështetjen për të përshpejtuar procesin e reformave, në mënyrë që vendi të jetë anëtar i BE-së deri në fund të mandatit të ardhshëm”.

 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    E kujt është përgjegjësia për kaosin në Kuvend?

Lajme të tjera



×

Lajmi i fundit

Zbardhen 3 akuzat që rëndojnë ndaj Monika Kryemadhit

Zbardhen 3 akuzat që rëndojnë ndaj Monika Kryemadhit

21 Tetor, 16:46