Haradinaj ndërhyn nga Franca
për të votuar një projektligj

PRISHTINE-Lideri i AAK-së, Ramush Haradinaj ka ndërhyrë nga Franca që të votohet Projektligji për Ratifikimin e Protokollit Financiar midis Qeverisë së Kosovës dhe Francës.

Projektligji për Ratifikimin e Protokollit Financiar midis Qeverisë së Kosovës dhe Qeverisë së Francës, dhe të Marrëveshjes për Hua për zbatimin e Protokollit Financiar ndërmjet Ministrisë së Financave së Republikës së Kosovës dhe NATIXIS, dështoi të miratohet pasi votat kundër i dhanë deputetët e AAK-së.

Por, pas një bisede që pati shefi i grupit parlamentar të AAK-së, Pal Lekaj me shefin e tij të partisë Ramush Haradinaj, me insistimin e tij ata pranuan ta votojnë këtë projektligj për ratifikimin e marrëveshjes me Francën.

“Posa fola me kryetarin e AAK-së, Ramush Haradinaj, i cili na përshëndet të gjithëve këtu. Ai më tha që pavarësisht se çfarë ndodh më të, ta votojmë marrëveshjen me Francën, sepse ai është për qytetarët e Kosovës”, tha Lekaj.

Pas kërkesës së Lekajt, kryesuesi i seancës futi përsëri në votim këtë projektligj, i cili mori 84 vota për, meqë pro votuan edhe deputetët e AAK-së.

(d.b/Shqiptarja.com)