Haradinaj përkujton viktimat e masakrës së Studimes: Kosova ka dhënë shumë për paqen

Në përkujtimin e 19-vjetorit të masakrës së Studimes, Kryeministri i Kosovës, Ramush Haradinaj, ka thënë se një pakt i paqes me Serbinë, është e gjitha çka Kosova mund të japë sot.

Sipas tij, Kosova ka dhënë më të çmueshmen, më të vështirën që mund të jepet për paqen, jetët e njerëzve të pafajshëm, ndërsa 116 martirët e Studimes të Vushtrrisë janë dëshmi e kësaj.

Duke komentuar marrëveshjen e shumëpërfolur Kosovë-Serbi, Haradinaj theksoi se Kosova tashmë ka deklaruar statutin e vet, dhe kjo është e gjitha çka mundet të bëjë sot, është të jetë pjesë e një marrëveshjeje paqësore, e cila do t'i hapte rrugë integrimit të Kosovës në NATO, OKB dhe BE.

LEXO EDHE:
Përurohet në Gjakovë shtatorja e Skënderbeut! Haradinaj: Nga sot do t’i bëjë ‘roje’ Gjakovës heroike

Ai shtoi se institucionet qendrore do ta ruajnë gjithmonë nderimin për të rënët e lirisë, dhe se familjarët e martirëve të Studimes, do të kenë përjetësisht njerëzit e tyre në themelet e shtetit të Kosovës.

Kryetari i komunës së Vushtrrisë, Xhafer Tahiri, tha se si çdo përvjetor, sot Studimja ndien dhimbje dhe krenari për të përkujtuar dëshmorët dhe martirët.

Ndërsa në emër të familjarëve foli, Latif Gërxhaliu, i cili më këtë rast, u bëri apel institucioneve që ta tregojnë veten për të vënë drejtësi për masakrën e Studimes.

TAG:
• Ramush Haradinaj
• masakra e studimes

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  91.6%

• Jo

  5.7%

• Nuk e di

  2.6%

Vota total: 680

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di