POP 5

Lajmet më të lexuara të 5 minutave të fundit

Kronikë

Harta e re gjyqësore, avokatët e Lezhës paralajmërojnë bojkot: Të merren në konsideratë propozimet tona

Avokatet e Lezhës paralajmërojnë bojkot të punës, nëse nuk do merren në konsideratë propozimet e tyre në lidhje me hartën e re gjyqësore.

Avokatet e Lezhës paralajmërojnë bojkot të punës, nëse nuk do merren në konsideratë propozimet e tyre në lidhje me hartën e re gjyqësore. Dhoma e avokatisë zhvilloi një takim në lidhje me këtë çështje dhe propozimet e tyre do i dërgohen Ministrisë së Drejtësisë dhe Këshillit të Lartë Gjyqësor.

"Kishim sot një takim me Dhomën e Avokatisë në Lezhë për mbledhjen e opinioneve të të gjithë avokatëve në lidhje me hartën e re gjyqësore të propozuar nga KLGJ dhe Ministria e Drejtësisë. Ka disa pika që e kundërshtojmë dhe do ia referojmë KLGJ dhe Ministrisë së Drejtësisë", tha Elton Laska, Kryetar i Dhomës së Avokatisë Lezhë.

Dhoma e Avokatisë Lezhë është totalisht kundër hartës së re gjyqësore të propozuar aktualisht, pasi sipas avokateve diçka e tillë cenon aksesin e qytetarëve në sistemin e drejtësisë dhe rrit kostot financiare për ta.

"Propozimet e secilit anëtar të Dhomës së Avokatisë ka të bëjë edhe me bojkotim të seancave ku prezenca e avokatit është e nevojshme si kusht për të marrë në konsideratë mendimin ton për mos ndryshimin e hartës pa u konsultuar mirë. Harta e re gjyqësore cenon aksesin e qytetarëve në sistemin gjyqësor dhe pamundëson zhvillimin në kohë të seancave gjyqësore duke u tejzgjatur mbi 5 vite për të përfunduar në gjykatë Apeli pa llogaritur atë të Lartën", tha Erjon Gjoni, Sekretar i Dhomës së Avokatisë Lezhë.

Referuar hartës së re gjyqësore në Qarkun e Lezhës është parashikuar të ketë vetëm një gjykatë, ndërsa ajo e Kurbinit do të shkrihet. Ndërkohë më herët kanë dalë kundër edhe avokatët e Korçës dhe të Shkodrës.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 10/01/2022 23:10

    Nuk thoni shyqyr qe spo e japin gjyqsorin dhe avokatine me PPP! Rrini rehat se su be qameti.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59