A e dini se cili është grupi i gjakut që mbizotëron te shtetasit shqiptarë? “Visual Capitalist”, një faqe globale e publikimeve online ka realizuar hartën e grupeve të gjakut më të përhapura në secilin vend.
Në vendin tonë sipas hartës, mbizotëron grupi i gjakut zero. Shqipëria është një nga tre vendet e Europës, së bashku me Italinë dhe Greqinë, ku mbizotëron zero pozitiv. Ndërsa në Europë më i zakonshëm është grupi A i gjakut. Pothuajse 40% e popullsisë në Danimarkë, Norvegji, Austri dhe Ukrainë kanë këtë lloj grupi, sipas Visual capitalist.
Sipas raportit, nga 7.9 miliardë njerëz që jetojnë në botë, të shpërndarë në 195 vende dhe 7 kontinente, grupi më i zakonshëm i gjakut është O+, me mbi 39% të popullsisë së botës që futet në këtë klasifikim. Ndërkaq, më i rrallë është AB-, me vetëm 0.40% të popullsisë që e ka këtë grup gjaku.
Duke e zbërthyer në nivel kombëtar, këto statistika fillojnë të ndryshojnë. Meqenëse faktorë të ndryshëm gjenetikë luajnë një rol në përcaktimin e grupit të gjakut të një individi, çdo vend dhe rajon tregon një histori të ndryshme për njerëzit e tij.
Azia
Edhe pse O+ mbetet grupi më i zakonshëm i gjakut në Azi, grupi i gjakut B është gjithashtu relativisht i zakonshëm. Gati 20% e popullsisë së Kinës ka këtë grup gjaku dhe është gjithashtu mjaft i zakonshëm në Indi dhe vende të tjera të Azisë Qendrore.
Në disa vende të Azisë Perëndimore si Armenia dhe Azerbajxhani, popullsia me grupin e gjakut A+ mbizotëron më shumë se të tjerët.
Amerika
Lloji i gjakut O është më i zakonshmi në nivel global dhe atë e kanë gati 70% e amerikanëve të jugut. Është gjithashtu grupi më i zakonshëm i gjakut në Kanada dhe Shtetet e Bashkuara.
Afrika
O+ ka mbizotërimin më të fortë midis vendeve afrikane. Vende si Gana, Libia, Kongo dhe Egjipti, kanë më shumë individë me grupe gjaku O sesa AB+.
Europa
Grupi i gjakut A është i zakonshëm në Evropë. Gati 40% e Danimarkës, Norvegjisë, Austrisë dhe Ukrainës kanë këtë grup gjaku.
Oqeania
O+ dhe A+ janë grupe gjaku mbizotëruese në vendet oqeanike, ku vetëm Fixhi ka një popullatë të konsiderueshme të grupit të gjakut B+.
Lindja e Mesme
Më shumë se 41% e popullsisë kanë grupin e grupit të gjakut O+, ku Libani është i vetmi vend me një popullsi të fortë të grupeve të gjakut O dhe A. /Monitor
Komente
Lajme të tjera
-
Ushqimet po importohen me lirë, por për konsumatorët ofrohen me rritje
25 Dhjetor, 13:49 -
Shqiptarët më të 'frikësuarit' në rajon nga inteligjenca artificiale
25 Dhjetor, 12:46 -
E përditshmja britanike 'Express': Shqipëria ndër vendet më të mira për të shkuar me pushime në 2025
25 Dhjetor, 09:52 -
Ekonomia u rrit me 4.09% gjatë sezonit veror! Ndikim kryesor, bumi turistik dhe rritja e pagave në administratë
24 Dhjetor, 12:20
-
'Mirror': Shqipëria, parajsa evropiane tërësisht nën radarin e turistëve
24 Dhjetor, 07:51 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Fëmijët jetim në prag të festave të fundvitit
23 Dhjetor, 11:07 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
'Shkodra Elektronike' fiton Fest 63! Kënga 'Zjerm' do të përfaqësojë Shqipërinë në Eurovision 2025
23 Dhjetor, 07:24 -
SPECIALE/ Mjalti, biznesi i ëmbël që prodhon produkt të shtrenjtë
22 Dhjetor, 18:05
-
Rrogat ulen te privati, 354 mijë s'arrijnë pagën mesatare! Eksperti: Punonjësi shihet si kosto e jo investim
22 Dhjetor, 14:25
