POP 5

Lajmet më të lexuara të 5 minutave të fundit

Kosova & Rajoni

Heroi shqiptar në Greqi, futet mes flakëve në banesën e familjes rome e shpëton foshnjën! 22 vjeçari Dionis Avdiaj: Nuk e mendova 2 herë

Ngjarja ka ndodhur orët e para të pasdites dje në qendër të Lamisë në Greqi, kur ka rënë zjarri në një gjysmëbodrum, ku ishin një familje rome, konkretisht një grua 57-vjeçare me tre nipërit e saj, 6, 5 dhe 1 vjeç e gjysmë 5 vjeç, pasi prindërit mungonin.

Heroi shqiptar në Greqi, futet mes flakëve në banesën e familjes rome e shpëton foshnjën! 22 vjeçari Dionis Avdiaj: Nuk e mendova 2 herë

Shtëpia e shkrumbuar totalisht

Një 22 vjeçar shqiptar është lajmi i parë në mediat greke ditën e sotme për shkak të aktit të tij të jashtëzakonshëm heroik. Ai ka shpëtuar një fëmijë teksa kishte mbetur vetëm brenda shtëpisë së tij të mbuluar nga flakët. Ngjarja ka ndodhur orët e para të pasdites dje në qendër të Lamisë në Greqi, kur ka rënë zjarri në një gjysmëbodrum, ku ishin  një familje rome, konkretisht një grua 57-vjeçare me tre nipërit e saj, 6, 5 dhe 1 vjeç e gjysmë 5 vjeç, pasi prindërit mungonin

Ishte pak para orës katër pasdite të së shtunës kur Dionisi, një 22-vjeçar, ishte duke u kthyer për në shtëpi dëgjoi thirrjet për ndihmë dhe vrapoi për të parë se çfarë po ndodhte. Sapo ka mbërritur në vendngjarje ka parë shumë tym dhe dhoma e një shtëpie ishte në flakë. Jashtë ishte gjyshja me dy fëmijët më të mëdhenj dhe fqinjët që thërrisnin për ndihmë dhe ishin në panik.

Më pas 22-vjeçari dëgjoi njërin prej vëllezërve duke qarë se foshnja ishte brenda në shtëpi. Dionisi, pa u menduar, hoqi xhaketën dhe nxitoi në dhomën që digjej.

“Fëmija po qante dhe me një zë që dridhej më tha se foshnja ishte në shtëpi. Menjëherë hodha xhaketën dhe i dhashë një goditje të fortë dritares së dhomës në nivel rruge. Hyra brenda dhe mora foshnjën që ishte në flakë. Gjithçka ndodhi kaq shpejt. Fatmirësisht fëmija ka shpëtuar dhe është mirë. Bëra atë që do të bënte çdo njeri nëse i rrezikohej jeta...” , tha 22-vjeçari Dionis Abdiai, me origjinë shqiptare, që ka lindur dhe rritur në Lamia, ku jeton dhe punon.

Siç thanë fqinjët e tjerë, fëmija u shpëtua literalisht në momentin e fundit pasi flakët kishin arritur tek ai dhe siç mund ta shihni në foto dhoma është shkatërruar plotësisht.

Në vendngjarje ka mbërritur policia e Lamisë me dy automjete dhe pesë zjarrfikës të cilët kanë shuar zjarrin para se të përhapet në banesat e tjera.

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Isa: 05/02/2023 15:28

    Bravo shoku je Vip Jo si keta qe vetem per lek flasin

    Përgjigju
  • Miku: 05/02/2023 14:13

    Bravo, mer shok, ti je VIP, jo kets te televizorit.

    Përgjigju
  • Sondazhi i ditës:

    Lista e PS për 14 Majin me 44 rikandidime e 17 emra të rinj, si e vlerësoni?

Lajme të tjera



×

Lajmi i fundit

Kryesia e PD, konfirmohen kandidatët për 15 bashki të tjera! S'ka emra për Vaun e Dejës dhe Kurbinin

Kryesia e PD, konfirmohen kandidatët për 15 bashki të tjera! S'ka emra për Vaun e Dejës dhe Kurbinin

27 Mars, 00:17