Heronjtë kanë emër, si Danilo Cataldi shpëtoi Edoardo Boven te Fiorentina dhe mësimet nga Lazio! Muaj më parë rivalë në fushë

Deri para disa muajsh ishin rivalë, me fanella të ndryshme dhe në skuadra që prej dekadash kanë prodhuar edhe viktima mes tifozëve, për shkak të ndjeshmërisë në derbin e Romës.

Bëhet fjalë për Edoardo Boven, ish-mesfushorin e Romës dhe Danilo Cataldin, ish-mesfushorin e Lazios. Fati e deshi që këtë sezon dyshja të luajnë së bashku me fanellën e Fiorentinës dhe rrugët të kryqëzoheshin.

Fundjavën që lamë pas (të diel) Bove pësoi një kolaps kundër Interit dhe u shemb në tokë, ndërsa Cataldi ishte ndër të parët që u afrua për t'i dhënë ndihmën e parë. Me lotët dhe panikun që mbërthyen lojtarët në fushë, Cataldi u afrua dhe i "kapi gjuhën Boves, duke bërë që të merrte sërish frymë".

Një veprim i tillë ka sjellë edhe shpëtimin e jetës së Boves, që për fat të mirë ka lënë pas rrezikun dhe ndodhet në spitalin e Firenzes në gjendje të stabilizuar dhe i kthjellët, me analizat e detajuara që do vijojnë më tej.

Ndërhyrja e Cataldit s'është rastësi

Mesfushori i Fiores, Danilo Cataldi është i pajisur me një certifikatë ndërkombëtare nga Shoqata Amerikane e Zemrës ACLS për të ndihmuar në raste të tilla, gjë që e mësoi kur ishte pjesë e trajnimeve të Lazios.

"Lazio i mësoi atij ndihmën e parë, e cila është trashëgimia kulturore e të gjithë lojtarëve të klubit. Danilo ka një certifikatë ndërkombëtare nga Shoqata Amerikane e Zemrës ACLS për të ndihmuar njerëzit në çdo situatë emergjente", tha mjeku kryesor i Lazios, Ivo Pulcini, pas rastit të Bove.

S.Dh/Shqiptarja.com

TAG:
• roma
• Inter
• lazio
• Fiorentina
• Edoardo Bove
• Danilo Cataldi
• serie a