Tirane- Ka zgjatur vetëm 17 ditë arresti në shtëpi për ish-zyrtarin e Ministrisë së Mjedisit Pëllumb Abeshi, masë të cilën gjykata e Posaçme ia caktoi më 10 janar të ketij viti. Abeshit i duhet të rikthehet sërish në burg pasi Apeli i GJKKO-së vendosi sot (27 janar) të pranojë kërkesën e SPAK, që ankimoi masën “arrest në shtëpi” duke kërkuar ashpërsimin në arrest me burg.
Vendimi për rikthimin në qeli të ish-zyrtarit në hetim për inceneratorin e Tiranës, u mor nga gjyqtari Dhimitër Lara.
Ndërkohë 7 personat e tjerë në hetim mes të cilëve edhe ish-ministri i Ministrisë së Mjedisit, Lefter Koka, i ishin drejtuar Apelit të Posaçëm për zbutje të masës së sigurisë.
Gjyqtari rrëzoi kërkësat e tyre. Kështu, ish ministri Koka, ish-drejtori i Punëve Publike në Bashkinë e Tiranës, Taulant Tusha, Namik Simixhiu, përfaqësues nga bashkia në komisionin e dhënies së koncensionit, Bledar Karoli, përgjegjës i prokurimeve në ministri, do të vijojnë të hetohen në masë “arrest me burg”.
Alba Thoma, dhe Silena Tola, Sidrita Kopliku të cilët ndodhen në arrest shtëpie, kërkuan ndryshimin e masës së sigurisë, duke pretenduar se nuk kanë kryer vepër penale dhe se kanë zbatuar vetëm detyrën ,por edhe këto masa u lanë në fuqi.
68-vjeçari Pëllumb Abeshi u arrestua më 27 mars të vitit 2022 për shpërdorim detyre për inceneratorin e Fierit në cilësinë e kryetarit të Komisionit të Shpronësimit në Ministrinë e Mjedisit. Për këtë proces ai u dënua me 4 vite burg, dënim të cilin e shleu më 10 janar. Megjithatë, nuk mundi të ishte njeri i lirë, pasi për hetimet e nisura për inceneratorin e Tiranës i duhej të qëndronte në “arrest shtëpie” sipas vendimit të gjyqtares Irena Gjoka më 9 dhjetor 2023 , të cilin SPAK e ankimoi.
Emri i Abeshit ishte mes 15 personave të tjerë për të cilët SPAK firmosi urdhër-arreste më 7 dhjetor 2023 sa i takon hetimit të nisur tre vite më parë për kontratën e koncesionit "Ndërtim landfilli, inceneratori dhe rehabilitimi i vend depozitimeve ekzistuese, Tiranë”
Deri tani janë ekzekutuar 12 urdhërarreste, ndërsa 3 persona, mes të cilëve Mirel Mërtiri e Klodian Zoto, janë në kërkim ndërkombëtar, konsideruar koka e aferës, nën akuzë për mashtrim me pasoja të rënda dhe pastrim parash.
Lajme të tjera
-
Inceneratori i Elbasanit, GJKKO shpalli të pafajshëm Alqi Bllakon, i hoqi një akuzë Lefter Kokës, SPAK apelon: Kërkon dënimin me 4 e 10 vite burg
23 Prill, 11:56
-
Inceneratori i Tiranës/ Kërkoi zëvendësim të masës së sigurisë, GJKKO rrëzon kërkesën e Alqi Bllakos
3 Prill, 10:53
-
Afera e Inceneratorit të Elbasanit/ SPAK merr të pandehur edhe bashkëjetuesen e Arben Ahmetajt! Akuzat
27 Mars, 10:54
-
Inceneratori i Tiranës, shtyhet për nesër seanca në GJKKO për ankimin e 8 prej të akuzuarve! Avokati i Abeshit kërkon përjashtimin e gjyqtarit Dhimitër Lara
26 Janar, 15:24 -
Inceneratori i Tiranës, 6 prej të akuzuarve ankimojnë në GJKKO masat e sigurisë! Ish-ministri Lefter Koka kërkon lirimin nga qelia
19 Janar, 15:40 -
PL:Këshilli bashkiak të mblidhet për inceneratorin e Tiranës
15 Janar, 12:15 -
Inceneratori i Tiranës, GJKKO liron nga burgu ish-zyrtarin e Ministrisë së Mjedisit, Pëllumb Abeshi
10 Janar, 15:34 -
Inceneratori i Tiranës, Gjykata e Lartë refuzon heqjen e sekuestros, nuk pranon rekursin
9 Janar, 15:08
-
Inceneratori i Tiranës, aksionerët kërkojnë heqjen e sekuestros, Gjykata e Lartë shqyrton të hënën kërkesën
6 Janar, 15:59
-
Fact check/ Gafa e Sali Berishës me tabelat e excel-it, si gënjeu prapë për inceneratorin e Tiranës
28 Dhjetor 2023, 18:43 -
Vrasja në burgun e Peqinit, të burgosurit ‘VIP’ nga burgu i Durrësit dërgohen në Fier! Transferohen për çështje sigurie Dako, Koka, Beleri e ish-zyrtarë të tjerë
19 Dhjetor 2023, 16:31 -
Rama pas samitit në Bruksel: Çështjen me Greqinë duhet ta zgjidhim mes nesh! Inceneratori i Tiranës? Nuk jam llogaritar, jam kryeministër
14 Dhjetor 2023, 12:22
