Komisioni i Pavarur i Kualifikimit riktheu sot sërish në shkollë një prokuror. Bëhet fjalë për Elvin Gogajn, i njohur, pasi ka qenë drejtues në disa prokurori, ndërsa tashmë do të duhet të rikthehet sërish në shkollë. Elvin Gogaj, nuk ka hyrë në sistemin e prokurorisë nga shkolla e Magjistraturës, por ai fillimisht ka qënë oficer dhe pas disa viteve në këtë detyrë ka fituar konkursin për të qënë prokuror.
Fillimisht ai ka punuar si prokuror në Burrel, ku ka hetuar dhe gjykuar mjaft dosje të rënda dhe të rëndësishme të viteve 1997-1998, periudhë kjo që Burreli, ziente nga seritë e vrasjeve të hasmërisë mes dy bandave farefisnore “Dedja” dhe “Kola”. Në atë periudhë të përgjakshme prokurorit Gogaj dhe gjithë prokurorëve që ushtronin detyrën në Burrel, i duhej të qëndronin në zyrë me automatikë kallashnikovi, pasi bandat në Burrel kishin marë, komisariatin dhe vrisnin ç’ti dilte para.
Edhe pse situata ka qënë në kufijtë e dramatikes për të bërë detyrën shtetërore, sot shumë dosje hetimore dhe dënimin e anëtarëve të këtyre bandave mbajnë firmën e Elvin Gogaj dhe dy prokurorëve të tjerë që vepronin në atë periudhë në Burrel. Pas Burrelit, Gogaj është transferuar nga kryeprokurori i Përgjithshëm i kohës Ylli Rakipi në qytetin e Vlorës, duke ju besuar posti i zv/drejtuesit të prokurorisë së Vlorës, detyrë të cilën e ka kryer për disa vite.Me ardhjen e Theodhori Sollakut në krye të Prokurorisë së Përgjithshme, Elvin Gogaj emërohet drejtues në Prokurorinë e Fierit, prokurori e nxehtë kjo për sa i përket kriminalitetit.
Me ikjen e Sollakut dhe ardhjen e kryeprokurores Ina Rama, Elvin Gogaj është transferuar nga prokuroria e Fierit në prokurorinë e Elbasanit, në të cilën Ina Rama,ia besoi për gati 7 vite drejtimin e kësaj prokurorie. Pikërisht në këtë prokurori Elvin Gogaj për shkak të detyrës së tij pati kërcënime me jetë nga një grup kriminal në Elbasan, i dalë shpesh kohët e fundit në media. Kjo solli që ministria e Brendshme e asaj kohe ti garantonte jetën me efektivë të repartit “RESI” në Tiranë.
Me ikjen e Ina Ramës dhe ardhjen si kryeprokuror të Adriatik Llallës, Elvin Gogaj është transferuar në një tjetër prokurori problematike siç është prokuroria e Laçit. Pikërisht në këtë detyrë ai ka qëndruar gati 1 vit dhe më pas është emëruar nga Adriatik Llalla në krye të prokurorisë së Apelit Shkodër, duke i besuar të mbulojë çështjet penale të rretheve Shkodër, Lezhë, Kukës,Laç, Pukë dhe Tropojë.
Edhe pas ikjes së Adriatik Llallës, Elvin Gogaj është konfirmuar në detyrën e drejtuesit të Apelit Shkodër nga kryeprokurorja e përkohshme Arta Marku. Mirëpo sot pas kaq vitesh karrierë si prokuror dhe drejtues i 6 prokurorive, Elvin Gogaj urdhërohet të braktisë për një vit detyrën dhe të shkojë në shkollën e Magjistraturën. E çuditshme por e vërtetë. Si mundet që një prokuror është vlerësuar dhe ka marë besimin nga 5 Kryeprokurorë të Përgjithshëm të Shqipërisë, ti vihen në dyshim kriteri profesional, duke e fyer dhe ulur moralisht,duke e dërguar si student në Shkollën e Magjistraturës.
Lajme të tjera
-
KPA rikthen në detyrë prokurorin e Tiranës, Genci Qana ishte shkarkuar tre vite më parë nga KPK, ONM e kritikoi si 'vendim të paarsyeshëm'
1 Tetor, 18:06 -
Saimir Tahiri 2 orë e gjysmë në SPAK, ish-ministri i Brendshëm në hetim pasuror! Në sitë dhe transaksionet e gruas dhe kunatit (VIDEO)
24 Qershor, 12:59
-
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Rikthimi i Vetting-ut në polici, 33 drejtues ‘në sitën’ e AMP-së! Kreu i sindikatës së policisë: Ligji u jep të drejtën efektivëve ta shmangin filtrin
18 Qershor 2023, 16:27
-
E ‘harroi’ KLD-ja / Vetingu shkarkon Majlinda Andrean 6 vite pasi dënimit për korrupsion, ish anëtarja e Gjykatës së Lartë shpëtoi Metën dhe Mediun nga burgu
5 Qershor 2023, 17:17
-
KPA lë në fuqi vendimin e KPK-së për shkarkimin e gjyqtares së Apelit Nure Dreni
15 Mars 2023, 19:13 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Nënshkruhet marrëveshja Kosovë-Shqipëri për sistemin ligjor, Bushka: Historike! Rrustemi: Përvoja me Vettingun, e nevojshme për ne
21 Nëntor 2022, 12:22 -
Probleme me 3 shtyllat e vettingut, shkarkohet nga detyra gjyqtarja Ariana Caco! Pjesë e trupës gjykuese së procesit të 21 Janarit
7 Tetor 2022, 10:03 -
KPK e shkarkoi Gjovalin Përnocën, KPA lë në fuqi vendimin! Largohet nga detyra gjyqtari i Krimeve të Rënda
25 Korrik 2022, 21:49
