'I duruari, i fituari', thotë populli dhe shprehja i shkon më së shumti përshtat Ardian Ismajit, që mbrëmjen e 14 tetorit 2024 përjetoi ditën më të lumtur të jetës.
Mbrojtësi i Empolit u "gradua" kapiten i Kombëtares dhe ishte ndër më të mirët në fushë gjatë fitores 0-1 që Shqipëria shënoi në Tbilisi kundër Gjeorgjisë për Grupin B1 në Ligën e Kombeve.
"Është dita më e lumtur e jetës time, të mbaj shiritin e kapitenit për kombëtaren e Shqipërisë, duke përfaqësuar të gjithë shqiptarët", tha ai me qetësi pas ndeshjes, një veçori që e ka cilësuar në karrierën e tij ndërkombëtare.
Pikërisht nga qetësia, pritja e momentit pa polemika, Ismajli jo vetëm që ka merituar shiritin e kapitenit, por është ndër lojtarët më të dashur e vlerësuar nga tifozët.
Për t'u marrë shembull sjellja e tij gjatë Euro 2024, ku paçka se ishte ndër emrat që e dërguan ekipin në fazën finale të Gjermanisë, u bë një nga pesë futbollistët që nuk patën minuta nga Sylvinho.
Pa polemika, me durim dhe me qetësinë dhe "ndërhyrjet" preçize si një mbrojtës kalibri, Ardiani vetëm tre muaj më pas meriton shiritin e kapitenit. Çdo e keqe e ka një të mirë thonë, edhe për Ismajlin minutat e munguara u shpërblyen, por jo vetëm në Kombëtare.
Në vitin e fundit të kontratës me Empolin, për të ka intersim të shtuar nga Juventusi, që 11 tetorin e 2024 kishte dërguar emisarët e vet në Pragë për ta ndjekur nga pranë Ismajlin në humbjen e Shqipërisë kundër Çekisë.
Veç "Zonjës" që e kërkon në janar, edhe Interi po e sheh me interes mbrojtësin që për shtatorin jo vetëm ishte në formacionin më të mirë të Serie A, por edhe të pesë ligave më të forta në Evropë.
Ismajli tani është në vitrninën e futbollit evropian, ndërsa ka mbajtur shiritin e kapitenit te Kosova para se të zgjidhte Shqipërinë dhe të debutonte në 17 nëntorin e 2018, duke luajtur në 42 ndeshje dhe shënuar tre gola deri në këto momente.
Lajme të tjera
-
Sylvinho 'motivon' Cristian Shpendin, sulmuesi i Kombëtares shënon golin e nëntë në Itali
23 Nëntor, 21:39 -
Superliga/ Vllaznia fitore dramatike 2-1 kundër Teutës për kreun e Superligës! Në Korçë barazim 2-2 mes Skënderbeut dhe Dinamos
23 Nëntor, 19:13 -
VIDEO/ Myrto Uzuni shekullor, i gjithë stadiumi i Granadas duartroket sulmuesin e Kombëtares
23 Nëntor, 17:56 -
Napoli parakalon Juventusin, në Itali e bëjnë të sigurt: Ardian Ismajli ka akord me të kaltrit
22 Nëntor, 15:39 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Kristjan Asllani pret edhe një shans nga Interi, më pas në diskutim e ardhmja! Projektohet nga minuta e parë
22 Nëntor, 13:30 -
U stërvit nga Sylvinho, talenti Keslin Shani për Report Tv: Kënaqësi e papërshkrueshme të jesh me Kombëtaren, s’i prisja këto rezultate
22 Nëntor, 13:01
-
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Sylvinho 's'e ka parë' ende, Fiorentina ofron 10 milionë euro për Cristian Shpendin
22 Nëntor, 11:11 -
Armando Broja lë pas dëmtimin, Everton 'i ndryshon' skuadër
22 Nëntor, 10:20 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49
