Ata që mbajnë syze miopi janë më pak të ekspozuar ndaj rrezikut të kontraktimit të Covid-19. Kjo është hipoteza e një studimi të botuar në ‘Journal of the American Medical Association (JAMA) Ophthalmology’ dhe kryer nga ekspertët e Spitalit ‘Suizhou Zengdu’. Studimi përfshiu 276 pacientë të pranuar në Spitalin Suizhou Zengdu në Suizhou, Provinca e Hubei të Kinës dhe zbuloi se vetëm 6 përqind e pjesëmarrësve mbanin syze miopi për më shumë se tetë orë në ditë.
"Kjo është një mundësi interesante - tha Lisa Maragakis, e Shkollës së Mjekësisë të Universitetit Johns Hopkins, e cila nuk ishte e përfshirë në studim - dhe në të njëjtën kohë provokuese, pasi ngre mundësinë që përdorimi syve mund të ofrojë një shkallë rë caktuar mbrojtje nga Covid-19, por kjo nuk mjafton për të rekomanduar mbajtjen e syzeve".
"Profesionistët e shëndetësisë këshillohen të mbajnë mburoja ose syze mbrojtëse të fytyrës, së bashku me maska - vazhdoi Maragakis - por udhëzimet për shëndetin publik nuk promovojnë përdorimin e syzeve, por insistojnë në rëndësinë e maskave, larjen e shpeshtë të duarve dhe distancën ".
![](https://shqiptarja.com/template/img/NO_ALFA_Kuadrate shqiptarja.png)
Ekipi hulumtues në studim përfshiu 276 pacientë të pranuar në spital midis 27 janarit dhe 13 marsit 2020.
"30 pjesëmarrës, që korrespondojnë me 11 përqind, mbanin syze - tha Xiaolin Ëang, nga Spitali Suizhou Zengdu dhe autor i studimit - por vetëm 16, ose 5.8 përqind, mbanin syze për më shumë se tetë orë në ditë”
"Ne nuk e kemi shqyrtuar arsyen e kësaj lidhje mes syzeve dhe Covid - thotë Ëang - por hipoteza jonë është që përdorimi i syzeve parandalon njerëzit të prekin sytë, gjë që zvogëlon shanset e ngjitjes së infeksionit".
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)