POP 5

Lajmet më të lexuara të 5 minutave të fundit

Sociale

Historia e kultivimit të kivit në Sukth të Durrësit! Dy vëllezër të kthyer nga emigracioni kanë mbjellë 10 dynym tokë (VIDEO)

Historia e dy vëllezërve që u kthyen nga emigracioni pas 25 vitesh, është frymëzuese. Ata kanë arritur të ngrenë një vresht me kivi në Sukth të Durrësit, prej të cilit marrin 24 ton prodhim. Guxim dhe Kastriot  Osmani kanë treguar për Report Tv inciativën dhe vështirësitë që kanë hasur në fillim.

Vreshtat me kivi sapo janë vjelur, prodhimi këtë vit ka qenë i bollshëm. Jemi në fshatin Vadardhë të Sukthit buzë lumit Erzen. Aty ku vëllezërit Guxim dhe Kastriot  Osmani kanë kultivuar frutin ekzotik ne 4.5 dynym tokë. 

Vëllezërit Osmani emigruan në Greqi dhe punuan 25 vjet në bujqësi, me kursimet emigracion u kthyen në vendlindje në 2012 ku blenë fillimisht 4.5 dynym tokë.

"E kishim dëshirë këtë frut dhe arritëm qëllimin. Fillimisht kishin sakrifica, s'kishte uje".

Ata kultivuan kivin, një kulturë bujqësore që nuk njihej në vendin tonë, por importohej nga vendet ekzotike.

Guxim Osmani thotë se "në fillim kishim frikë, por shyqyr zotit na ka ecur mirë.  Ne kemi punuar jashte shtetit dhe e kishim deshire ta mbillnim kete frut dhe ia ariten qellimit, me shume sakrifica sepse në fillim s'kishte ujë".

Historia e vëllezërve Osmani është një histori suksese. Këtë vit kane arritur të prodhojnë dhe të shesin 24 ton kivi në tregun vendas. Një kilogram kivi me shumicë shitet për 90 lek. Fitimi për familjen Osmani llogaritet në 1.4 mln leke.

"Ne e kemi shitur gjithë prodhimin se kemi ëbr frut me cilësi të mirë. Ne kemi arritur të prodhojmë në 24 ton në 4.5 dynym. E shesim në tregun e brendshëm. Ishalla ky vend të mbushet plot me kivi që të mund të eksportojmë", u shpreh më tej fermeri.

Gjatë intervistës për Report Tv, ata treguan se e kanë dyfishuar sipërfaqen e mbjellë në rreth 10 dynym. Kivi i ri hyn në prodhim vitin tjeter, ndaj fermeret kërkojnë sërish ndihmë nga AZHBR.

"Po kemi nevojë për subvencione sepse ka shumë kosto. Është bimë delikate mund të thyhet nga era duhet mbuluar me rrjete. Ne kemi përfituar njëherë subvencion por kërkojmë sërish sepse kemi bërë shumë investim", tha Kastriot Osmani.

Vëllezërit thonë se kanë në plan ta rrisin edhe më shumë sipërfaqen e mbjellë me kivi, madje nxisin edhe fermerët e tjerë te Sukthit të kultivojnë këtë frut. Aktualisht ata sheshin në tregun vendas, pasi për eksport kërkohet një sasi më e madhe.

E.M./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 24/10/2020 03:16

    Ketu ku jetoj une kiwi vjen nga Amerika Latine dhe nuk shitet me peshe ,por me kokrra,ose ne kuti te vogla.Une I ble vetem kur shiten 3 kokrra per 1$ ose kur I gjej ne kuti me cmim te arsyeshem.Nje bravo per keta fermere punetore e duararte,qe jane shembull se kur do, mund te kesh sukses ne prodhime.

    Përgjigju
  • arben: 23/10/2020 23:40

    HALLALL JU QOFTE ,,TE TILLE NJEREZ NA DUHEN NE SHQIPERI...

    Përgjigju
  • Tirona: 23/10/2020 21:10

    Nje lajm i mire dhe Suksese , por te bejne kujdes me perdorimin e pesticideve........ , si dhe te kete nje kontroll te rrepte nga ministria e bujqesise

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

New York Times: Votoni kundër Trump, ai është një rrezik për demokracinë

New York Times: Votoni kundër Trump, ai është një rrezik për demokracinë

2 Nëntor, 20:15