POP 5

Lajmet më të lexuara të 5 minutave të fundit

Kronikë

Hodhi ish-gruan nga ballkoni në Patos, flasin fqinjët: Grua e mrekullueshme, punon për të rritur vajzat

Një ngjarje e rëndë që mund të kishte përfunduar në tragjedi ndodhi në qytezën e Patosit. Ish-bashkëshorti një vit pas divorcit shkoi në banesën e gruas që kishte urdhër mbrojtje dhe pasi e dhunoi e hodhi nga ballkoni. Ajo fatmirësisht ka shpëtuar, ndërsa autori është vënë në pranga. Ndjekim dëshminë e fqinjës për ngjarjen.

Nga ballkoni i katit të dytë në lagjen nr 1 të qytezës së Patosit, ish-bashkëshorti hodhi gruan, nënën e dy fëmijëve. 38-vjeçarja me iniciale E.S. fatmirësisht ka shpëtuar. Ajo po merr trajtim në spitalin e Fierit dhe mjekët thanë se është jashtë rrezikut për jetën. Dy vajzat e saj të moshës 15 dhe 10 vjeç janë strehuar tek dajat derisa të bashkohen me nënën e tyre.

Autori është pikërisht babai i tyre, Saimir Rrapollari 47 vjeç banues në fshatin Kurian të Roskovecit.

Pasditen e së shtunës ai ka shkuar në banesën e ish-bashkëshorten dhe pasi e ka rrahur e ka hedhur nga ballkoni. 38-vjecarja, ishte e divorcuar nga burri i dhunshëm prej një viti, ndërsa ishte pajisur nga gjykata me urdhër mbrojtje. Por as kësaj radhe urdhri i mbrojtjes nuk ka shërbyer për mbrojtjen e kësaj gruaje.

Fqinjët, të traumatizuar nga kjo ngjarje thonë se gruaja kishte tre muaj që ishte vendosur në këtë pallat. Ajo punonte në fasoneri për të rritur vajzat.

“Mamanë e saj e kam shoqe. Është familje e përkryer. Ka rreth 3-4 muaj në këtë pallat. Vajzë e përkryer, punonte në një rrobaqepësi. Përderisa ndahet një burrë e një grua do të thotë që detyrimisht janë në një konflikt. Ajo është nënë e fëmijëve, nuk është e tija", tha një fqinje.

Autori, Saimir Rrapollari është vënë në pranga pritet të dalë të martën në gjykatën e Fierit për masën e sigurisë, ku do të përballet me akuzat për vrasje e mbetur në tentativë, dhunë në familje dhe thyerje e urdhrit të mbrojtjes.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 27/07/2020 18:10

    A kishte urdher mbrojtje zonja?

    Përgjigju
  • Arbëri: 27/07/2020 17:34

    Burg për këtë ”njeri” , së paku 35 vite!!!

    Përgjigju
    • iliri: 27/07/2020 19:39

      cfar burgu o robo?ky do benzinen dhe xixen e cakmakut e i ben nder njerezimit. femijve hiqi baben por mos ja prek nenen

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16