POP 5

Lajmet më të lexuara të 5 minutave të fundit

Politikë

Holta Zaçaj drejt largimit nga Kushtetuesja, gara për pasuesin më 10 dhjetor! Gjykata e Lartë: Të deklarohet vakanca

Kryetarja e Gjykatës Kushtetuese Holta Zaçaj është drejt largimit. Gjykata e Lartë që e ka emëruar thotë se Kushtetuesja brenda ditës së martë, pra në datën 10 dhjetor, duhet të dalë me vendim për përfundimin e mandatit të kryetares, dhe të hapet gara për gjyqtarin e ri.

Gjatë pranverës, Gjykata Kushtetuese duhet të përfshihet në një proces rifreskimi, i cili sapo ka nisur të prodhojë një debat politik dhe diplomatik.

E para që duhet të lërë detyrën, është kryetarja e kësaj gjykate, Holta Zaçaj. Ajo u zgjodh gjyqtare Kushtetuese në janar të vitit 2023, por në përputhje me Kushtetutën, nuk do ta kryejë mandatin e saj të plotë 9-vjeçar, me qëllim që të ruhen balancat e institucioneve që emërojnë anëtarë në këtë gjykatë.

Gjykata e Lartë, e pyetur për këtë çështje, tha se referuar datës 10 mars 2025, si data e përfundimit të mandatit të gjyqtares Zaçaj, procedura për zëvendësimin e saj do të nisë 3 muaj përpara përfundimit të këtij mandati.

“Në vendimin e Gjykatës së Lartë për zgjedhjen e Znj. Holta Zaçaj është përcaktuar zgjedhja e saj si anëtare e Gjykatës Kushtetuese “me mandat të pjesshëm, deri në kryerjen e ripërtëritjes në vitin 2025”. Kryetari i Gjykatës Kushtetuese, jo më vonë se 3 muaj përpara përfundimit të mandatit të një gjyqtari të Gjykatës Kushtetuese... njofton organin emërtesë për vendin vakant. Referuar këtij rregullimi ligjor, Gjykata Kushtetuese duhet të deklarojë mbarimin e mandatit të Znj. Holta Zaçaj jo më vonë se data 10.12.2024”.

Mirëpo deri më tani, Gjykata Kushtetuese nuk e ka informuar publikun për ndonjë hap drejt kësaj vendimmarrjeje duke lënë në dispozicion vetëm ditën e martë, si dita e fundit kur mund të përmbushet ky detyrim ligjor.

Nëse vetë gjyqtarja Zaçaj, apo Gjykata Kushtetuese në tërësi nuk do të kenë interpretime të ndryshme nga Gjykata e Lartë, pas datës 10 dhjetor do të hapet gara për një gjyqtar të ri Kushtetues.

Ndryshe nga Zaçaj, anëtari i ri i Gjykatës Kushtetuese që do të zgjidhet nga Gjykata e Lartë do të ushtrojë një mandat të plotë 9-vjeçar.

SI.E./S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55