Homazhe në nderim të artistit
gjirokastrit, Aristotel Stefani

Homazhe në nderim të artistit<br />gjirokastrit, Aristotel Stefani
Ndahet nga jeta aktori Aristotel (Teli) Stefani. Ai është ndarë nga jeta ditën e djeshme pas një ataku në zemër. Në nderim të tij sot u zhvilluan homazhe në hollin e Teatrit “Zihni Sako”.

Teli Stefani, ka lindur në fshatin Lliar të Zagorisë në Gjirokastër. Ai është një nga emrat më të spikatur të kinemasë edhe teatrit shqiptar për rolet episodikë, me të cilët ka krijuar një karrierë të spikatur.

Roli i tij episodik te “Përrallë nga e kaluara”, i skalitur edhe interpretuar plot mjeshtëri, mbahet edhe do të ngelet gjatë në kujtesën e shqiptarëve. Fillimisht punonte në naftë në Kuçovë, më pas nisi rrugën e artit me grupin amator të klubit të Kuçovës.

Kur punonte, ai zhvillonte edhe pasionin e tij për aktrim. Në vitin 1956 ka kontribuuar për ndërtimin e Estradës Profesioniste të Gjirokastrës. Këtë kontribut e vazhdoi deri në vitin 1966, ku njëkohësisht punonte edhe si regjisor i trupës. Gjatë kësaj periudhe ka qenë edhe drejtori i Shtëpisë së Kulturës në Gjirokastër.

Në Teatrin e Gjirokastrës mbahet mend për rolet e tij në pjesët: “14 vjeç dhëndër”, “Fundi i botës”, “Pas vdekjes” në rolin e Adfhamudit, “Shqetësimet e Anës”, ku interpreton prof. Selckën, “Djepi i shitur” etj.

Ka qenë pjesëmarrës në14 filma artistikë, në të cilët shfaqet talenti dhe bie në sy interpretimi i tij i bukur . “Është nder për mua, që kam bashkëpunuar me Piro Manin, me Dhimitër Anagnositn, Viktor Gjikën”, është shprehur dikur ai. Gjithashtu ka qenë edhe pjesë e filmave: “Njeriu me top”, “Liri a vdekje”, “Koncert në vitin 1936”, “Dritat e qytezës”, “Përrallë nga e kaluara”, “Kthimi i ushtrisë së vdekur”, “Dasma e Sakos” e shume role të tjera.

Redaksia Online
(Shqiptarja.com)

  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?



×

Lajmi i fundit

Bledi Mane: Vjehrri i Adriatik Lapajt më kërkon t’i jap 30 milionë lekë pse e quaj kriminel

Bledi Mane: Vjehrri i Adriatik Lapajt më kërkon t’i jap 30 milionë lekë pse e quaj kriminel