POP 5

Lajmet më të lexuara të 5 minutave të fundit

Kultura

Homazhet/ Inva Mula, Llaqi Nako e Robert Radoja rrëfejnë ikonën e baletit Ganimet Vendreshën: Erdhën nga Moska me vizion! Ishte si ëndërr!

U nderua në Teatrin e Operas, solistja e parë, bashkëthemeluese e Shkollës Koreografike e pedagogia Ganimet Vendresha. Mes miqve e kolegëve, rrëfejnë balerinën ikonë shqiptare edhe sopranoja e njohur Inva Mula e koreografi Llaqi Nako.

Duhet këmbëngulje për të prekur ëndrrat thoshte “Artistja e merituar”, Ganimet Vendresha…. Solistja e parë e baletit, e ndarë nga jeta mbrëmjen e së mërkurës në moshën 88-vjeçare, nderohet këtë të premte në “Operan” e saj, nga familjarë, miq, kolegë, të rinjtë e Shkollës së Baletit e gjigandët e artit vendas … si për të rrëfyer se krahas fluturimit në skenë, arriti të prekë dhe zemrat e atyre që e njohën.

Ndër të parat balerina shqiptare, Ganimetja debutoi si soliste në skenën e Filarmonisë që në moshën 16-vjeçare e më tej u diplomua në Moskë bashkë me Xhimil Simixhiun, i cili do të ishte më vonë, jo vetëm partneri i saj në skenë, por edhe në jetë.

Ganimet Vendresha, pas studimeve u kthye në Shqipër, duke u integruar në skenën e Operas në vitin 1956, ku do të ishte protagoniste e kryeveprave shqiptare e të huaja të baletit. Primabalerina, shënoi mbi 140 role, shumë syresh të pranishmit i kujtojnë në homazhe si performanca të papërsëritshme

Por teksa rriteshin vetë, e interpretonin edhe jashtë kufijve, Ganimeti dhe Xhemili, me të tjerë kolegë, vunë gurëthemelet e Shkollës së Koregorafisë, e si pedagogë trashëguan më të mirë e profesionit tek brezat që pasuan.

Duartrokitjet e përzemërta shoqëruan “Nderin e Kombit”, “Mjeshtren e madhe”, edhe për në banesën e fundit në Tufinë.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

Dialogu/ Petkoviç: Komisioni i Përbashkët për personat e zhdukur nis punën në janar, Kosova s'do që të hapë arkivat e UÇK

Dialogu/ Petkoviç: Komisioni i Përbashkët për personat e zhdukur nis punën në janar, Kosova s'do që të hapë arkivat e UÇK

19 Dhjetor, 09:56