Hong Kong/ Intensifikohet represioni, gaz lotsjellës dhe armë kundër protestuesve (FOTO)

Hong Kong/ Intensifikohet represioni, gaz lotsjellës dhe armë kundër protestuesve (FOTO)

Pas më shumë se dy muaj protestash pro-demokracisë, në Hong Kong kanë ristartuar përleshjet e dhunshme mes demostruesve dhe forcave të policisë të cilat kanë përdorur pompa uji me presion, gaz lotsjellës dhe armë për të shpërndarë protestuesit.

Mijrat e të rinjve, dhe jo vetëm, kanë pushtuar rrugët e Hong Kong-ut për të kërkuar më shumë demokraci, pavarësi më të madhe nga Pekini dhe bllokimin e një ligji ekstradimi që do të lejonte kundërshtarët e sistemit kinez të gjykoheshin në Kinë.

Hong Kongu është një rajon administrativ që ende gëzon status dhe privilegje të veçanta, si ish-koloni britanike, të cilat pas kontrollit nga Pekini rrezikojnë të humbasin.

"Ne u përpoqëm të protestojmë në mënyrë paqësore," thotë një protestues, "por ne nuk u dëgjuam. Policia po bëhet gjithnjë e më e dhunshme."

Për javë të tëra, protestuesit kanë pushtuar edhe aeroportin e Hong Kong-ut.

Pavarësisht se disa linja ajrore kanë premtuar pushimin nga puna të atyre që simpatizojnë protestat, mjaftë punëtorë i janë bashkuar trazirave.

Pas çdo dite që kalon, protestat po bëhen gjithnjë e më të dhunshme.

Protestuesit, mbrëmjen e djeshme, shkatërruan gjithashtu disa kamera të instaluara së fundmi në qytet.

Këto pajisje të sofistikuara janë vendosur nga autoritetet policore për të bërë të mundur njohjen e fytyrës dhe identifikimin e protestuesve, që më pas mund të ndiqen penalisht.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit