U largua nga banesa, bashkëshorti e denoncoi 'të zhdukur', Kryesekretarja e Gjykatës së Lezhës gjendet në qytetin e saj: Ika pas një debati me burrin! Nga mediat mësova se po më kërkonin

Report Tv ka zbardhur dëshminë e Kryesekretares së Gjykatës së Lezhës, Klaudia Markut, ku mësohet se ka thënë në polici se ishte larguar nga banesa pas një debati me bashkëshortin. Marku ka thënë se ka qëndruar në një hotel në Lezhë dhe se nuk kishte menduar se çështja do të shkonte deri në denoncimin se ajo ishte zhdukur.

"U largova nga banesa për çështje të brendshme familjare. Jam larguar pas një debati me bashkëshortin. Nuk e kam menduar se çështja do të shkonte kështu. Kam qëndruar në një hotel në Lezhë më ishte bllokuar dhe celulari. Kam mbajtur kontakte me familjen time, duke biseduar me një numër të një punonjësi. Vetëm kur e kam marr vesh nga media që po më kërkojnë", ka thënë ajo.

Pas disa orësh që kishte humbur kontaktet me familjen, kryesekretarja e Gjykatës së Lezhës, Klaudia Marku është gjetur. Bëhet me dije se ajo është gjetur po në qytetin e Lezhës, ndërsa shoqëruar në komisariat ku po merret në pyetje. Për momentin është e paqartë arsyeja se përse ajo shkëputi kontaktet me familjarët.

Prej disa orësh mbahet i shoqëruar në komisariatin e Lezhës, Oltion Marku, oficer tek Drejtoria e Kufirit dhe Migracionit, bashkëshorti i kryesekretares së Gjykatës së Lezhës. Ai ka bërë sot denoncimin se bashkëshortja e tij, Klaudia Marku është larguar nga banesa prej pasdites së djeshme, por oficerët e policisë po e marrin në pyetje, pasi dyshohet se shkak për largimin e saj nga banesa është bërë pikërisht konflikti familjar.