Humbja 3-1 në 'El Clasico', Xavi: Kur e fal Realin, ndodhin të tilla gjëra

Real Madrid fitoi 3-1 me Barcelonën në "El Clasico". Ndeshja e javës së nëntë në La liga u vendos nga golat e Banzema, Valverde dhe Rodrygo për vendasit, ndërsa Torres te Barcelona shkurtoi shifat. Pas ndeshjes foli edhe trajneri i Barçës, Xavi. Për katalanasin gjëra të tilla ndodhin kur humbet raste, me trajnerin që ceku se sot të tijtë "e falën Realin".

“Ne po largohemi duarbosh. Nuk kemi përfituar nga momentet tona. Ne jemi në një dinamikë që nuk na funksionon dhe duhet ta ndryshojmë atë. Unë nuk mund të jem i lumtur me pothuajse asgjë duke humbur 3-1. Gjëja pozitive është se ata që luajtën e kanë bërë këtë me entuziazëm dhe duke u përpjekur të marrin gjëra pozitive në këtë duel. Ne jemi shumë mirë në kampionat, por duhet të përmirësojmë forcën, agresivitetin… kishim folur që duhej të ndalonim Realin dhe në golin e parë na kapën në tranzicion. Ne patëm momentet tona për të barazuar 1-1, 2-2, por kur fal në Bernabeu këto gjëra ndodhin", tha Xavi.

Me këtë fitore Real Madrid shkon në kuotën e 25 pikëvë në vendin e parë, duke lënë Barçën të dytën me 22 pikë.

S.DH/Shqiptarja.com

TAG:
• la liga
• Xavi Hernandez
• real madrid
• barcelona