Hysen Memolla largohet nga Superliga, e zëvendëson ish-i i Partizanit! Egnatia 'shopping' te Laçi

Hysen Memolla ka vendosur që pas shtatë muajve të largohet nga Egnatia, për të vijuar karrierën në Turqi. Mbrojtësi 31-vjeçar u bashkua me rrogozhinasit në janarin e këtij viti, duke qenë vendimtar në prapavijë për suksesin në Kupën e Shqipërisë.

Në dy pozicone në prapavijë, Memolla ka lënë një boshllëk që pritet të mbushet nga Sodiq Atanda. Ish-mrojtësi i Partizanit edhe më herët ka qenë pjesë e Egnatias, teksa pas pak muajsh pritet që të rikthehet për të qenë nën urdhërat e Edlir Tetovës.

Pas eksperiencës në Europë dhe paraqitjes së mirë, Egnatia tanimë do fokusohet në kampionat, aty ku e nisi jo mirë me humbjen 0-1 në shtëpi kundër Skënderbeut. Veç lojës në fushë, te Egnatia janë duke menduar edhe për të ardhurat, me Redi Kasën që u shit te Olimpija Ljubjana në Slloveni.

Veç këtyre lëvizjeve, Egnatia ka siguruar për dy sezone shërbimet e mesfushorit me tipare sulmuese të Laçit, Sebastjan Spahiu. 23-vjeçari ka spikatur sezonet e fundit në Superligë.

S.DH/Shqiptarja.com

TAG:
• superliga
• Laçi
• Sebastjan Spahiu
• hysen memolla