I afërmi i shtruar në pavionin COVID në Shkodër, qytetari: I kanë hequr aparaturat dhe duan të lënë të vdesë

Një qytetar i cili ka të shtruar xhaxhain e tij në spitalin Rajonal në Shkodër, pasi është i sëmurë më COVID, pretendon se të afërmit të tij i janë hequr aparaturat e oksigjenit.

Ai tregon se sapo është përmirësuar, xhaxhait të tij i janë hequr aparaturat e oksigjenit dhe se ato i ka marrë infermierja.

'E kena sjellë prej Tirana është me COVID. Tani na thonë që ta fus në reanimacion. Për çfarë ta çojnë ne reanimacion e kanë lënë pa asnjë aparaturë dhe duan të lënë të vdesë. Nuk i kanë prurë asnjë aperaturë është 75 vjeçe.  Kur e sollën prej Tirane e lanë këtu. Tha infermierja je stabilizuar, je shumë mirë, po të marrim aparaturën. Ky s’ka pas nevojë me ngrënë bukë këtu. Tani do e çojnë në reanimacion. Ka ndenjur katër ditë në Tiranë. E ka pas spitalin këtu. E kena pru se është i sëmurë, infermierja ia morri aparaturën, se kena pru me hangër bukë këtu. Unë e kam axhë. Kemi kontaktuar me mjekë, por nuk i kanë sjellë aparaturën. Nuk i kanë sjellë aparaturë.”, thotë ai. 

LEXO EDHE:
Qatip Osmani nxjerr blof Vllazninë: Më larguan pa dëshirën time, isha pranë titullit kampion

Gazetari i Report TV, Ergys Kavaja, raporton se nga ana e drejtuesve të spitalit Rajonal në Shkodër është mohuar kategorikisht të ketë pasur neglizhencë në shërbimin ndaj qytetarit. Sipas bluzae të bardha, gjendja e pacientit është përkeqësuar dhe i është thënë që të futet në reanimacion.

Vetëm dy ditë më parë u hapën zyrtarisht dy spitale e para rajonale në Shkodër e në Durrës, për shkak se u ezauruan kapacitetet në spitalet COVID në Tiranë.

M.Q./Shqiptarja.com

TAG:
• Shkoder
• koronavirus ne shqiperi
• spitalet covid