POP 5

Lajmet më të lexuara të 5 minutave të fundit

Kronikë

I akuzuar për trafik droge e grup të strukturuar kriminal, sekuestrohen 2 apartamente dhe një makinë në pronësi të Flori Palit nga Lezha

Policia ka sekuestruar 2 apartamente dhe një makinë në pronësi të Flori Palit, 46-vjeç, i cili është akuzuar si pjesëtar i një grupi të strukturuar kriminal me aktivitet në fushën e narkotikëve

I akuzuar për trafik droge e grup të strukturuar kriminal, sekuestrohen 2 apartamente dhe një makinë në pronësi të Flori Palit nga Lezha

TIRANË- 2 apartamente dhe 1 makinë janë sekuestruar nga policia në pronësi të Flori Palit, pasuri të cilat dyshohet se janë vendosur nga krimi.

46-vjeçari banues në fshatin Ungrej në Lezhë, është akuzuar veprat penale “Prodhimi dhe shitja e narkotikëve” dhe “Trafikimi i narkotikëve”, kryer në formën e grupit të strukturuar kriminal, si dhe për veprën penale “Pastrimi i produkteve të veprës penale ose të veprimtarisë kriminale”.

‘Specialistët e Njësisë “E” për Hetimin e Krimeve Ekonomiko-Financiare në DPPSH, në kuadër të një procedimi pasuror, të iniciuar me qëllim gjurmimin, lokalizimin dhe sekuestrimin e pasurive që rrjedhin nga veprimtari të ndryshme kriminale, kanë ekzekutuar vendimin e Gjykatës së Posaçme të Shkallës së Parë për Korrupsionin dhe Krimin e Organizuar, e cila ka vendosur sekuestrimin e pasurive të shtetasit F. P., 46 vjeç, banues në fshatin Ungrej, Lezhë. Në kuadër të këtij procedimi pasuror, është vendosur sekuestrimi i 2 apartamenteve dhe i një automjeti, në pronësi të shtetasit F. P.’- njofton policia.

Policia thotë se vijon puna për gjurmimin, lokalizimin dhe sekuestrimin e pasurive të tjera që kanë burim veprimtaritë kriminale të këtij shtetasi. Materialet procedurale i kaluan Prokurorisë, për veprime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

Vlorë/ Kërcënohen me thikë disa nxënës që po luanin në Lungomare, autori me probleme të shëndetit mendor

27 Prill, 23:01