I dehur në timon, efektivi i FNSH i futet në oborrin e shtëpisë një 70-vjeçari, e plagos në dorë me armën e shërbimit (VIDEO)

FIER- Një ngjarje e rëndë ka ndodhur orët e para të mëngjesit të kësaj të enjteje, ku një efektiv i Forcave të Ndërhyrjes së Shpejtë ka plagosur me armë zjarri një 70-vjeçar.

Burime për Report Tv bëjnë me dije se  Paulin Shpani, 41-vjeç ngiste në gjendje të dehur makinën e tij tip "Benz", ku si pasojë ka humbur kontrollin dhe ka përfunduar në oborrin e Solli Meçi,  70 vjeç, në lagjen 'Sheq i Madh".

Pas kësaj efektivi i FNSH është konfliktuar me pronarin e kësaj banese 70-vjeçarin Solli Meçin, të cilin e ka plagosur në dorë me armën e shërbimit.


Në vendin e ngjarjes kanë shkuar forcat të shumta policie, që po punojnë për zbardhjen e plotë të ngjarjes, ndërsa Paulin Shpani është shoqëruar në polici ndërsa ndaj tij SHÇBA ka nisur një hetim.

Makina e aksidentuar e efektivit të FNSH

Rendit zhvillimet sipas orarit:
Ora 10:18
U plagos nga efektivi i FNSH, flet bashkëshortja e 70-vjeçarit: Është makina e tretë që na hyn në oborr (VIDEO)

Bashkëshortja e 70-vjeçarit që u plagos nga efektivi i FNSH, ka rrëfyer të gjithë ngjarjen që ndodhi orët e para të mëngjesit të sotëm në Fier. Sipas saj kjo është makina e tretë që u hyn në oborrin e shtëpisë pasi rruga është burim aksidenti. Ndërkohë ajo ka shtuar se polici dhe bashkëshorti i saj janë konfliktuar dhe më pas është shkrepur arma duke e kapur në dorë 70-vjeçarin.

"Mirë është tani. Këtu bëhen gjithmonë aksidente. Është makina e tretë që na hyn brenda. Si burrat janë konfliktuar. Që të dy janë zënë edhe kaq. Armën e shkrepi s'di me qëllim pa qëllim. Policia tha e ishte i dehur."

E.L./r.k./Shqiptarja.com
  • Sondazhi i ditës:

    Arrestimi i Henri Çilit, a mendoni se po fillon të veprojë drejtësia e re?

Komento

Komente

  • Proka: 13/02/2020 20:33

    Ky eshte kulmi i debilitetit apo vuajtjes per mend. Burri i botes i dehur shkakton kerdi,me fajin e vet rrezikon jeten e njerezve te pafajshem duke perdorur armen zyrtare. Mjerim.

    Përgjigju
  • xxx: 13/02/2020 11:11

    Ky fshatari me arme nuk duhet te qendroje me ne keto organe dhe te marre denimin e merituar nga drejtedia

    Përgjigju