POP 5

Lajmet më të lexuara të 5 minutave të fundit

Kosova & Rajoni

I dënuar me 10 vite burg e 50 mijë euro gjobë, arrestohet shqiptari i shumëkërkuar në Greqi

I konsideruar person me rrezikshmëri, u kap nga policia greke në lagjen “Peristeri” të Athinës një shqiptar i dënuar me 10 vjet heqje lirie dhe 50 mijë euro gjobë si kreu i një grupi kriminal që shpërndante drogë në Athinë.

I dënuar me 10 vite burg e 50 mijë euro gjobë, arrestohet shqiptari i shumëkërkuar në Greqi

Foto ilustruese

Policia greke ka arrestuar me 2 kg e 500 gram kokainë, 3 kg e 430 gram kanabis të papërpunuar, pajisje për përpunimin e drogës, materiale ambalazhimi dhe peshore elektronike, një shqiptar të arratisur i cili cilësohet nga mediet helene si shumë i rrezikshëm.

Shqiptari emri i të cilit ende nuk është publikuar, akuzohet si kreu i një bande famkeqe të shitjes së kokainës në Athinë, ndërsa ishte shpallur në kërkim pasi ishte dënuar nga autoritetet helene me 10 vite burg dhe 50 mijë euro gjobë.

Për të shmangur zbulimin dhe arrestimin, ai mori masa të shtuara dhe kryesisht lëvizte me automjete të ndryshme luksoze me targa të huaja. Megjithatë ai u kap në lagjen “Peristeri” të Athinës.

Sipas media greke ai akuzohet si i përfshirë në plot 60 raste të shitjes dhe blerjes së kokainës. Operacioni për kapjen e tij u zhvillua në një lokal të zonës nga sektori i kërkimi në bashkëpunim me skuadrën e OPKE.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

Krah njëri-tjetrit Luizi dhe Kiara japin lajmin e shumëpritur

Krah njëri-tjetrit Luizi dhe Kiara japin lajmin e shumëpritur

28 Prill, 15:19