Putin? “Një lider super inteligjent.” Ukraina? “Një shtet i rremë.” Plani për një forcë paqeruajtëse europiane, që kryeministri britanik Keir Starmer dhe presidenti francez Emmanuel Macron po përpiqen të krijojnë? “Në Europë të gjithë sillen si Churchill.”
Këto janë fjalët e Steve Witkoff, manjati i pasurive të paluajtshme dhe miku i Donald Trump, i cili është bërë i dërguari i tij, fillimisht në Lindjen e Mesme dhe tani në marrëdhëniet mes Moskës dhe Kievit. SHBA-të po rifillojnë sot përpjekjet e tyre për ndërmjetësim në Lindjen e Mesme.
Në një intervistë me Tucker Carlson, gazetarin ultra-konservator pro-Trump, ish-prezantuesin e Fox News, Witkoff ka dhënë një sërë deklaratash alarmante për Ukrainën, Mbretërinë e Bashkuar dhe Bashkimin Europian. BBC ka publikuar sot pjesë të intervistës.
Plani për një forcë ndërkombëtare që mbështet një armëpushim në Ukrainë, i mbështetur nga Londra dhe Parisi bashkë me rreth njëzet vende të tjera perëndimore, është “thjesht një pozicionim politik, një qëndrim”, tha negociatori amerikan, duke e quajtur atë një projekt të ndërtuar mbi një "vizion nga liderë që duan të duken si Winston Churchill".
Dhurata e Putin për Trump
Për Vladimir Putin, të cilin e ka takuar për disa orë së fundmi në Kremlin, Witkoff foli pa doreza.
“Më pëlqeu presidenti rus. Nuk e konsideroj një person të keq. Është super inteligjent. Me mua ishte i sjellshëm dhe i sinqertë.”
Ai shtoi se Putin i kishte treguar se kishte lutur për Trump pas atentatit ndaj tij gjatë fushatës presidenciale verën e kaluar. Witkoff gjithashtu zbuloi se Putin kishte porositur një portret të Trump për t’ia dhuruar dhe se presidenti amerikan ishte i prekur nga ky gjest.
Gjatë intervistës, Witkoff përsëriti disa nga tezat e Rusisë, duke përfshirë pretendimin se Ukraina është një "shtet i rremë".
Ai deklaroi se çështja kryesore e negociatave për përfundimin e luftës janë pesë rajone – Donbasi, Krimea dhe disa të tjera, të cilat nuk i përmendi.
“Pyetja është: a do t’i njohë bota këto territore si ruse?” – tha ai.
“Në Rusi ekziston bindja se Ukraina është një shtet i rremë, se këto rajone janë mbledhur bashkë si një lloj mozaiku, dhe sipas mendimit tim, ky ështës shkaku i luftës. Rusia i konsideron këto territore të sajat që nga Lufta e Dytë Botërore, por askush nuk dëshiron të flasë për këtë.”
“Pse do të donte Rusia të aneksonte Ukrainën? Nuk i duhet. Ka rimarrë ato rajone. Ka Krimenë, ka marrë atë që donte. Pse do të kërkonte më shumë? Ideja që Rusia dëshiron të pushtojë Europën është e pakuptimtë. Kemi diçka që quhet NATO, të cilën nuk e kishim gjatë Luftës së Dytë Botërore.”
Armëpushimi
Sa i përket negociatave që SHBA-të do të rifillojnë sot dhe nesër në Arabinë Saudite me Rusinë dhe Ukrainën, Witkoff tha se shtrirja e armëpushimit 30-ditor edhe në Detin e Zi – i cili tashmë është arritur për sulmet ndaj objekteve energjetike – pritet të finalizohet brenda një jave.
Ai shtoi gjithashtu se palët nuk janë larg një marrëveshjeje për një armëpushim të përgjithshëm 30-ditor, që do të përfshinte edhe ndalimin e luftimeve tokësore.
Komente
Lajme të tjera
-
Premtimi ende i parealizuar i Presidentit Trump për paqen në Ukrainë
26 Mars, 21:35 -
Iu shmang seancës për masakrën e Gërdecit, Mediu foto nga restoranti me një kongresmen: Folëm për zgjidhjen e konflikteve në Serbi e Bosnjë
26 Mars, 21:34 -
Skandali me rrjedhjen e informacionit në grupin e mesazheve, Rubio: Dikush bëri një gabim të madh
26 Mars, 21:28 -
Macron takohet me Zelenskyn: 2 miliardë ndihmë ushtarake shtesë për Ukrainën! Sanksionet ndaj Rusisë? Ende herët për të folur për heqjen e tyre
26 Mars, 20:40 -
Rutte: Katër ushtarë amerikanë kanë vdekur në Lituani, pas stërvitjeve
26 Mars, 19:20 -
Rusia kërkon heqjen e sanksioneve para nisjes së armëpushimit detar në Ukrainë
26 Mars, 18:45 -
Rusia kushtëzon zbatimin e armëpushimit të pjesshëm me Ukrainën, Lavrov: Duam garanci që Kievi do respektojë pikat e marrëveshjes, SHBA t’i bëjë presion Zelenskyt
26 Mars, 18:30
-
‘Një kompani kineze rekruton ish-punonjës federalë amerikanë të pushuar nga Trump’, alarm për të dhënat e ndjeshme
26 Mars, 18:15 -
Shabani: Biznesmeni afër PD e këshilltari i opozitës po grabisin pronat e banorëve në Shkodër! Kulluri: Opozita pronare e gjysmës së kullave në Tiranë (Ironizon dhe Nokën)
26 Mars, 17:49 -
Plani i Bashkimit Evropian në rast lufte: Qytetarët të përgatisin një 'çantë të rezistencës' me 10 gjëra thelbësore për të mbijetuar të paktën 72 orë
26 Mars, 17:49 -
Shefi i NATO-s paralajmëron Putinin: Çdo sulm ndaj vendeve anëtare të aleancës, do të përballet me reagimin tonë shkatërrues
26 Mars, 17:34 -
Presidenti Trump nuk heq dorë nga ‘aneksimi’ i Groenlandës: Do ta marrim
26 Mars, 16:57
te lumt o patriot
PërgjigjuThonë që nuk gomarë në U.S.A.,por ja që paska dhe me shumicë.Këtë e kan çuar për të biseduar apo përGJEOGRAFIN E EUROPËS. Ja pra se me çfarë merret politika e Trampit.
Përgjigju