POP 5

Lajmet më të lexuara të 5 minutave të fundit

Kronikë

Pse u lirua vëllai i deputetit socialist? Zbardhet vendimi, Prokuroria pa prova se foli me të arrestuarit për drogë

Vëllai i deputetit socialist Eduart Ndreca, Armando Ndreca, u lirua nga qelia pas arrestimit, pasi prokuroria nuk gjeti prova se kishte lidhje me një shtëpi bari të zbuluar në një stan në fshatin Kashnjet të Lezhës. Në vendimin e gjykatës thuhet se dyshimet se ka komunikuar me 2 të arrestuarit që kultivonin kanabis, mbetën të paprovuara në mungesë të transkriptimit të bisedave që mund të ishin bërë mes tyre.

Një komunikim mes vëllait të deputetit socialist Eduard Ndreca, dhe një trafikanti droge, mbeti vetëm një dyshim i paprovuar, prandaj Prokuroria e Lezhës u tërhoq nga arresti dhe kërkoi lirimin e Armando Ndrecës.

Prokurorja Irena Sufaj u tërhoq gjatë seancë dhe kërkoi masë më të butë sigurie, të detyrimit të paraqitjes, çka u pranua nga Gjykata e Lezhës. Në argumentet që nxorën Ndrecën nga qelia 3 ditë pasi u prangos, gjykata, në vendimin që Report Tv e siguron, thotë se arrestimi me dyshimin se ai ishte i përfshirë në kultivimin e bimëve narkotike në Kashnjet të Lezhës, u bë pa prova bindëse.

Bashkë me Ndrecën u arrestuan edhe Armel Nikdukaj dhe Elvis Shpellzai  të cilët vijojnë të jenë në qeli pasi u kapën në flagrance në stanin që kishin përshtatur për kanabis.

Por çfarë u bë shkak që policia të shkonte në arrestimin e vëllait të deputetit, më tej të liruar?

Dyshimet lindën pas zbërthimit të celularit të të arrestuarit Elvis Shpellzaj. Aty u gjet i regjistruar një numër telefoni anglez me emrin “Bellanoca”, që sipas informacioneve të grumbulluara nga policia, i përkiste Armando Ndrecës, por në vendim të gjykatës thuhet se nuk është arritur të provohet diçka e tillë.

Po ashtu akuza dyshoi se Ndreca ka pasur telefonata edhe me të arrestuarin tjetër, Armel Nikdukaj, në telefonin e të cilit ka pasur thirrje, por sërish nuk rezulton se janë paraqitur prova konkrete të asaj se çfarë është biseduar e nëse shfaq elementë të veprës penale.

Prokurorja Irena Sufaj argumentoi se mungojnë prova themeltare për ta mbajtur në burg Ndrecën, si mund të ishin transkriptimet e përgjimeve të realizuara nga policia për këtë procedim. Në këto kushte, sipas gjykatës, rezulton se ka qenë vetë prokurorja e çështjes, e cila në seancë ka ndryshuar qëndrim dhe gjyqtarja Edlira Çota vlerësoi të paligjshëm ndalimin e Armando Ndrecës

G.K//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • OPGJ: 05/05/2024 11:41

    Po a nuk e dini qe prokuroja eshte budallaqe, provat nuk i ka sjelle vete se ka pase qellimin me e liru sesban se i ka thene babi

    Përgjigju
  • Iris: 05/05/2024 03:22

    Ky nuk eshte justifikim bindes.Qe te kishte pergjime nga policia duhet me pare nje leje nga gjykata,pasi policia ka paraqitur dyshimet e saj per veprimtari kriminale,qe ne kete rast nuk ka paraqitur.Si e gjeten stanin me droge policia rastesisht,apo kishte info.? Dhe nga ana tjeter,eshte pak si koncidence e cuditshme qe vellai i deputetes,paska kumunikuar me te dy te arrestuarit! Sikur te kishte komunikuar vetem me njerin,atehere mund t'i jepnim benefitin e dyshimit,por me te dy?! Koncidenca nuk duket me dhe aq e rastesishme! S.d.q ky ishte me fat qe ishte vellai i DIKUSHIT,/drejtesia/ per te punon!

    Përgjigju
  • Bilo pilafi: 04/05/2024 15:04

    Numer anglez??? Pse valle?

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46