I ka mbyllur derën e bashkëpunimit grupit të Alibeajt për ‘vendoret’? Meta: Nuk bisedojmë me ata që bëjnë opozitë me regji

I pyetur nga gazetarja e Report TV, Danjela Maloku nëse i ka mbyllur derën grupit të Enkelejd Alibeajt për bashkëpunim sa i takon zgjedhjeve vendore, kreu i Partisë së Lirisë Ilir Meta u shpreh se është  i gatshëm të bashkëpunojë vetëm me opozitën e vërtetë dhe jo me ata që bëjnë opozitë me regji.

“Unë nuk mbyll asnjë derë, nuk është detyra ime as të mbyll e as të hap. Kam që në 2 mars që jam në sheh përballë këtij regjimi. Kam qenë më parë si president, i vetëm, me përkrahjen e popullit, tani jam më komod se kem një forcë politike, pavarësisht traumave që ka kaluar në ta kaluarën, ka një dinamikë që do jetë spektakolare. Të gjithë mund ta gjykojnë se ku qëndron njëri dhe tjetri në raport me regjimin.

LEXO EDHE:
Ylli Pata: Dorëheqja? Standarti që theu Sali Berisha

Ju keni komunikim me ndonjë prej deputetëve të grupit Alibeaj?

Nuk është detyra ime të mbaj komunikim me cilindo, s’kam ndërprerë komunikim me askënd dhe jam tërë ditën në komunikim me të gjithë ata që duan të bëjnë opozitë të vërtetë dhe jo me ata që bëjnë opozitë me regji, hajde bëjmë sikur bëjmë opozitë”, tha Meta.

Lajmi kryesor:

Zgjedhjet vendore, Meta i mbyll derën Alibeajt: I kemi lënë në dorë Berishës të zgjedhë kandidatët më të mirë

SI.E./Shqiptarja.com

TAG:
• zgjedhjet vendore 2023
• enkelejd alibeaj
• sali berisha
• Ilir Meta