“Mbeta pa fjalë, por Papa Françesko më shpëtoi...” ka thënë Italiani, Franco Rabuffi, të cilit i ka telefonuar Papa Françesku për ti uruar shërim të shpejtë. Ai ka thënë se ka mbetur “pa fjalë” kur e kuptoi se personi që po e telefononte, të cilit ia kishte mbyllur telefonin dy herë, ka qenë në të vërtetë Papa Françesku. Franco Rabuffi, ka thënë ndër të tjera se nuk ishte habitur fare kur dikush i kishte telefonuar dy herë duke i thënë se është Papa, e si pasojë ia kishte mbyllur telefonin që të dyja herët.

Megjithatë, në telefonatën e tretë, Rabuffi e kuptoi se në telefon ishte vërtetë Papa Francesco, i cili shpesh u telefonon fansave të tij të rrjeteve sociale. Françesku i kishte telefonuar Rabuffit që t’i uronte shërim të shpejtë pasi kishte mësuar se kishte qenë i sëmurë.

“Më tha se i ishte dukur për të qeshur e gjithë kjo histori e mbylljes së telefonit”, ka thënë Rabuffi për gazetën e Vatikanit “l’Osservatore Romano”. Rabuffi ka thënë se ai së bashku me bashkëshorten e tij morën pjesë në meshën e së mërkurës në Vatikan për t’i kërkuar falje personalisht Papës për mbylljen e telefonit.


Redaksai Online
(o.b/ Shqiptarja.com)