I ndalojnë takimin me fëmijët, nëna e sëmurë tenton të arratiset/Daja kërkon ndihmë në ’Pa Gjurmë’: Nuk dua ta braktis, por… (VIDEO)

Pak minuta pas përfundimit të programit, daja njofton se Edona sapo ishte gjetur. Këtë të hënë vendosëm ta rikthejmë historinë e gruas, humbja e së cilës zgjati vetëm 24 orë. Ajo ka probleme të zhvillimit mendor dhe vuan nga depresioni, ndërsa ka nevojë për kurim dhe përkujdesje. 30-vjecarja është nënë e 3 fëmijëve, me të cilët nuk ka asnjë kontakt. Ata emigruan fillimisht në Gjermani, ku atje shfaqi probleme, madje u mor në përkujdesje nga një qendër sociale. Sot, ajo strehohet tek daja, në qytetin e Durrësit, i cili e ka të pamundur të vazhdojë të kujdeset për të. I ftuar në studion e emisionit ’Pa Gjurmë’, ai u bën thirrje për ndihmë institucioneve.

Kur u kthye nga Gjermania nuk më erdhi mirë. Pasi erdhi në Shqipëri, qëndroi pak kohë dhe më pas u larguan drejt Italisë. Edhe atje ka ikur nga shtapia dhe e gjeti tezja, në një ndërtesë në Katanja. Kur humbi, unë kontaktova direkt me ju, që të kërkoja ndihmë. Unë kam ardh këtu për të kërkuar përsëri ndihmë, ppasi nuk mundem dot ta mbaj mbesën. Ajo ka nevojë të dërgohet në qendër ku të rehabilitohet, nuk mund ta coj në spital. Me burrin e saj, nuk ka bërë divorc, thjesht janë ndarë fizikisht, se ai është në Itali. Kohët e fundit është bërë edhe e dhunshme. Edona ka dhunuar edhe gjyshen e saj edhe nënën e vet, që është shurdhmemece.

Edona jeton në kushte të vështira, që ditën kur bashkëshorti jeton me tre fëmijët në Itali, pasi Edona i dha prokurën për të kaluar kufirin. E pyetur gjatë, nën përkujdesjen e psikologes Marsela Lekli, në emisionin ’Pa gjurmë’, 30-vjecarja fjalëpak dhe mjaft e emocionuar shprehu live në studio dëshirën që ka, kontaktin me tre fëmijët e saj: 

Dua të kem kontaktet me fëmijët e mi, dua të kurohem dhe pastaj të punoj në ndonjë rrobaqepsi.

Daja i saj Arjani në studion e emisionin ’Pa Gjurmë’ kërkon ndihmën e institucioneve, pasi nuk e braktis dot mbesën, por nuk mundet as ta mbaj në kushte ku ndodhet, për shkak edhe të vështirësive ekonomike.  

VIDEO/Emisioni i plotë 'Pa Gjurmë'

O.D./b.ha./Shqiptarja.com

TAG:
• odeta dume
• Pa Gjurme
• edona myrteli