Qeveria ka ndërmarrë një nismë ku propozon ndryshime të orarit të punës për punonjësit e administratës, duke i dhënë atyre liri të plotë që të zgjedhin kur duan të punojnë. Në propozimin e bërë publik ditën e sotme, thuhet se administrata do duhet të punojnë 8 orë e 30 minuta nga e hëna në të enjten, dhe 6 orë të premten.
Ndërkohë, fashën e orareve se kur duan të vijnë në punë mund ta zgjedhin vetë, mjafton që puna të mos lihet bosh çdo ditë nga ora 9:30 deri në 15:30, ndërsa ditën e premte nga ora 9:30 deri në 13:00.
Sipas ministres së Shtetit për Administratën Publike dhe Antikorrupsionin, Adea Pirdenit që ka propozuar këtë nismë, qëllimi është efikasiteti në administratën publike dhe një balancim më të mirë të jetës dhe punës.
“Ministri i Shtetit për Administratën Publike dhe Antikorrupsionin ka propozuar një ndryshim në VKM nr. 568, datë 6.10.2021 “Për miratimin e rregullave për kohëzgjatjen e punës dhe të pushimit, orët shtesë dhe kompensimin e tyre në institucionet e administratës shtetërore, institucionet e pavarura dhe njësitë e vetëqeverisjes vendore”, që prezanton për herë të parë në administratën publike konceptin e orarit ditor fleksibël.
Fleksibiliteti në orarin e punës ka qenë një kërkesë kryesore e shprehur nga punonjësit e administratës, me qëllim krijimin e një mjedisi pune më mbështetës për të gjithë.
Projektvendimi propozon që brenda kohëzgjatjes ditore të punës, të punësuarit të kenë mundësinë të zgjedhin oraret kur do të kryejnë orët e plota të ditës së punës, duke caktuar një fashë orare kur të gjithë nëpunësit duhet të jenë në punë.
Specifikisht, në kuadër të këtij projektvendimi propozohet në institucionet e administratës shtetërore:
• Kohëzgjatja ditore e orëve të punës të jetë 8 orë e 30 minuta nga e hëna deri të enjten dhe 6 orë ditën e premte.
• Orari ditor i punës të jetë fleksibël, me kushtin që të plotësohen orët e plota (pra 8.5 orë dhe 6 orë).
• Fasha e detyrueshme orare kur të gjithë nëpunësit duhet të jenë në vendet e tyre të punës, të jetë çdo ditë nga ora 9:30 deri në 15:30, ndërsa ditën e premte nga ora 9:30 deri në 13:00.
Kjo iniciativë vjen si përgjigje për të përmirësuar fleksibilitetin dhe efikasitetin në administratën publike, duke reflektuar nevojat e punonjësve për një orar më të përshtatshëm dhe një balancim më të mirë të jetës dhe punës.
Ky ndryshim nuk është i lidhur me temperaturat e larta të ditëve të fundit, sikurse është publikuar në disa portale, por me injektimin në mënyrë të qëndrueshme të fleksibilitetit në punë”.
Komente
Lajme të tjera
-
Temperaturat ekstreme, ja si e përballojnë qytetarët vapën në kryeqytet
16 Korrik, 14:07 -
A mund të nxiheni ose digjeni nga dielli edhe në hije?
16 Korrik, 11:49 -
Ushqimet që duhet të shmangni që të mos helmoheni gjatë stinës së verës
11 Korrik, 16:26 -
Përse nuk duhet ta lini freskuesen ndezur gjatë gjatë natës
11 Korrik, 10:11 -
Hapen aplikimet për mbi 1200 pozicione praktike në administratën publike! Kriteret dhe si mund të aplikoni
11 Korrik, 08:11 -
Hyn në fuqi rritja e pagave për administratën, përfitojnë 135 mijë punonjës (LISTA)
1 Korrik, 08:36 -
I nxehti afrikan/ Rritet numri i vizitave në spitale, Skënder Brataj tregon si të mbrohemi nga temperaturat e larta
24 Qershor, 14:30 -
Temperaturat e larta ‘shtyjnë’ pushuesit drejt plazheve, trafik i rënduar në Vlorë, ja akset më kritike (VIDEO)
22 Qershor, 11:07 -
Temperaturat e larta gjatë verës, ja disa këshilla të vlefshme se si të mbroheni
20 Qershor, 08:33 -
Qeveria miraton 300 kuota për kredi të reja, ja si ndahen dhe kush përfiton në administratën publike
19 Qershor, 20:48 -
Sasia e mallrave të rezervës shtetërore do varet nga numri i popullsisë! Pr/ligji: Strukturë e posaçme për emergjencat, plan 3-vjeçar për planifikimin e rezervave
19 Qershor, 13:34
-
Plani i Motivimit të Administratës: Fleksibilitet në orarin e punës, në qershor hyn në fuqi rritja e rrogave! Rama: Nuk është çerdhe e të këqijave, por aset kombëtar
29 Maj, 17:31
o qeveri maskarenjsh dhe te pa aftesh patronazisht qe doni ti hidhni si syrit keti populli te vuajtur. vini dhe ikni kur te doni ju prandaj sju plas per njerzit.
Përgjigjupo pensionistet do marin donje gje per tu freskuar ??? puntoret qe nuk i lepihen shevave do marin ndonje gje ??? apo vetem sufllaqrxhinjte ???
Përgjigju