Kryeprokurorit Adriatik Llalla i përfundon mandati më 3 dhjetor 2017, një tjetër çështje kjo që pritet të ‘ndez’ debatin mes palëve politike. Kjo çështje do të diskutohet më 30 nëntor, ku Kuvendi do të mblidhet në seancë plenare, për të miratuar buxhetin e 2018, si dhe për të shkarkuar Klement Zgurin nga kryetar dhe anëtar i KQZ.

Report Tv zbuloi se pjesë e planit të mazhorancës më 30 nëntor është edhe mandati i Llallës. Seanca plenare e 30 nëntorit është e fundit përpara mandatit të Adriatik Llallës, dhe për këtë arsye pritet që në mbledhjen e Konferencës së Kryetarëve të përfshihet dhe zgjedhja e kryeprokurorit të ri të përkohshëm në rend dite. 

d.c./shqiptarja.com