I përfshirë në një skandal seksual, BBC pezullon nga detyra prezantuesin e njohur

Një prezantues i njohur i BBC-së është pezulluar nga detyra pas përfshirjes në një skandal seksual. Sipas mediave, prezantuesi identiteti i të cilit ende nuk bëhet i ditur, dyshohet se ka paguar një vajzë adoleshente për foto seksuale nudo rreth 30 000 paund.

Ishte nëna e vajzës që ngriti akuza për rastin, duke pretenduar se ai kishte paguar fëmijën e saj 35 mijë paund dhe për më tepër këto para, adoleshentja i shpenzonte për të blerë kokainë.

Rrjeti shtetërore britanik BBC ka reaguar zyrtarisht dhe shprehet se merr seriozisht akuzat e ngritura dhe po punon për verifikimin e pretendimeve të ngritura nga nëna e të miturës.

“BBC i merr seriozisht çdo akuzë dhe ne kemi procese të forta të brendshme për t’u marrë në mënyrë proaktive me akuza të tilla. Ky është një grup rrethanash komplekse dhe BBC po punon sa më shpejt që të jetë e mundur për të vërtetuar faktet në mënyrë që të informojë siç duhet hapat e ardhshëm të duhur. Është e rëndësishme që këto çështje të trajtohen në mënyrë të drejtë dhe me kujdes. Ne kemi qenë të qartë se nëse – në çdo moment – del në dritë ose na jepet informacion i ri, do të veprohet në mënyrë të duhur dhe do të ndiqet në mënyrë aktive. BBC fillimisht u vu në dijeni për një ankesë në maj. Akuza të reja na u bënë të enjten të një natyre tjetër dhe përveç pyetjeve tona, ne kemi qenë në kontakt edhe me autoritetet e jashtme, në përputhje me protokollet tona. Ne gjithashtu mund të konfirmojmë se një anëtar mashkull i stafit është pezulluar. Ne do t’ju ofrojmë një përditësim të mëtejshëm në ditët në vijim ndërsa procesi vazhdon. Bordi i BBC do të vazhdojë të jetë i përditësuar.”

M.Q./Shqiptarja.com

TAG:
• bbc
• skandal seksual