Vrasja e Pjerin Xhuvani, ish-polici në 'strukturën e armatosur të PD' Pavlo Vuksani del nga Trauma, shoqërohet në Komisariatin e Elbasanit! 25 të shoqëruar, lë spitalin edhe policja e plagosur

Ish-polici në 'strukturën e armatosur të PD' Pavlo Vuksani, i cili mbeti i plagosur ditën e djeshme në ngjarjen e Elbasanit ku mbeti i vdekur Pjerin Xhuvani, ka dalë nga Spitali i Traumës në Tiranës. Pas plagëve të marra në pjesën e qafës, Vuksani u soll për trajtim më të specializuar te Traumat në Tiranë, ndërsa ditën e sotme ka lënë spitalin.  

Menjëherë pas daljes nga Trauma, Vuksani është shoqëruar në komisariatin e Policisë në Elbasan për t'u marrë në pyetje dhe sqaruar situatën në lidhje me ngjarjen e rëndë ndodhur ditën e djeshme duke përgjakur fushatën elektorale dhe tensionuar situatën pak ditë para zgjedhjeve të 25 prillit.

Gjithashtu nga Spitali i Traumës ka dalë edhe efektivja e 'Shqiponjave' e mbetur e plagosur në këmbë, Xhensila Sota, e cila ishte e pranishme në vendin e ngjarjes. Pas të shtënave të para me armë ajo ka reaguar menjëherë për të ndërhyrë, por plumbat prekën dhe të.

Nga 4 të plagosurit  në ngjarjen në Elbasan, aktualisht të shtruar ende në Spitalin e  Traumës në Tiranë ndodhet  ish-polici Emiljan Prenga, pjesë e strukturave të armatosur të PD-së, i cili ka marrë një plumb në bark dhe dhëndri i viktimës Pjerin Xhuvanit, Eltjon Bodinaku.

Deri tani janë shoqëruar 25 persona që mund të kenë dijeni për ngjarjes dhe janë sekuestruar rreth 20 gëzhoja në vendin e ngjarjes. Policia  e Elbasanit ka sekuestruar dy makinat që ishin në vend ngjarje, mes tyre dhe një makinë pa targa dhe 3 furgonët e bardhë të PD, të cilat do i nënshtrohen ekspertizës për zbardhjen e provave dhe dinamikës së ngjarjes. Gjithashtu janë sekuestruar kamerat e sigurisë  të bizneseve që ndodhin aty në mënyrë që zbardhet e gjithë dinamika e ngjarjes së rëndë.

Ditën e djeshme Pjerin Xhuvani u qëllua për vdekje me armë zjarri nga Arbër Paplekaj, shoqëruesi i numrit 2 të PD-së, Gazment Bardhi. Pas ngjarjes Paplekaj është larguar duke u vetëdorëzuar më pas në Repartin e  Forcave RENEA në Tiranë dhe pranuar krimin. Në dëshminë e tij Paplekaj tha se qëlloi për vetëmbrojtje pasi u qëllua më parë sipas tij nga persona që po blinin vota.

Pak minuta pas krimit reagoi Gazmend Bardhi, duke justifikuar vrasjen e duke thënë se ndodhi pasi shtabi elektoral i Taulant Ballës po blinte vota. Nga ana tjetër, Balla është shprehur se këto janë provokime që kanë autor PD-në dhe presidentin Ilir Meta, e duke akuzuar se demokratët kanë zbarkuar në çdo cep grupe paramilitare.

1619090597_vuksani.jpeg

Pavlo Vuksani duke hyre ne komisiarat

1619090629_1619087121vuksani.jpg

Pavlo Vuksani

 

Rendit zhvillimet sipas orarit:
Ora 13:30
Një qytetar vendos lule dhe ndez qirinj në vendin ku u vra Pjerin Xhuvani

 

Një person ka shkuar në vendin ku u vra Pjerin Xhuvani në Elbasan, ku ka vendosur lule e ka ndezur qirinj1619091151_1619091076tttttyyyyy.jpg

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024