POP 5

Lajmet më të lexuara të 5 minutave të fundit

Sociale

I shpëtoi luftës dhe komunizmit, Vatikani i dhuron “Bekimin Apostolik” 100-vjeçarit Mark Margjini

Një ditë më parë festoi 100 vjetorin, por vitet e tij janë shumë më të mëdha nëse krahasohen me atë çfarë ka përjetuar. Mark Margjini nga lufta ka kujtim një plumb në trupin e tij, ndërsa në paqe ka vitet e burgut të regjimit komunist. E për sakrificat e tij ka dëgjuar edhe Vatikani, ndërsa Papa Françesku për 100 vjetorin e lindjes i ka përcjell bekimin apostolik.

Ky i moshuar nga Selita e Mirditës, mund të konsiderohet pa frikë si simboli i jetëgjatësisë, duke iu referuruar vështirësive të shumta që ka kaluar në jetë. Mark Margjini festoj një ditë më parë 100 vjetorin e lindjes, ndërsa nuk e kishte menduar asnjeherë që do të vinte kjo ditë.

Me vuajtjet që kam kaluar nuk e mendoja. Por edhe 5 vjet do t'i arrij.  

Mark Margjini

Jeta e Markut ka qenë një kalvar vuajtjesh dhe mundimesh. Ai tregon se ka marrë dy herë armet, duke u plagosur në luftë për mbrojtjen e trojeve të tij.

Kam vuajtuar. Kam bërë burg. I kam kaluar të gjitha. Më kanë arrestuar për agjitacion dhe propogandë. 

Mark Margjini

Por historia e tij nuk mbyllet me kaq, në kohën e komunizmit Margjini ka vuajtur mjaft, pasi u burgos përshkak se nuk ju bind sistemit. Pavarësisht se kishte marr plumba nga lufta, për kohën e famëkeqëve plumbat e marrë nuk kishin rëndësi.

Me Italinë kam luftuar. Vuajtjet që kam kaluar më kanë thënë jetë. 

Mark Margjini

Vuajtjet dhe historia e këtij 100-vjeçari ka mbërritur deri në Vatikan duke tërhequr dhe vëmendjen e Papa Françeskut, i cili përmes ipeshkvit të Mirditës, Monsinjor Gjergj Meta i përcolli bekimin apostolik.

Shenjtëria i çon bekimin apostolik Mark Margjinit dhe gjithë familjarëve të tij.

Gjergj Meta, ipeshkv i Mirditës

Familja e 100 vjeçarit sot janë mjaft të lumtur për virtytet e trasheguara nga babai i tyre, Mark Margjini. Djali i Markut shprehet se është krenar për babin e tij i cili i ka dhënë mjaft zonës së tij.

Gjatë gjithë jetës së tij, trashëgoi virtytet e kullës tonë. Ka vuajtur që në moshë të re. 

Kol Margjini, djali i 100-vjeçarit

Historia e Mark Margjinit do të ngelë gjatë në memorien e të gjithëve si simbol i rezistences të disa periudha mjaft të vështira që ka kaluar vendi i ynë. Por qëndrueshmeria e këti 100 vjeçari pavarësisht sakrificave të jetës, tregon se do të vazhdojë të jetojë edhe shumë vite të tjera!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bepi: 17/10/2018 01:43

    Edhe 100 te tjera

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46