I vdekur apo ‘party të çmendur’, ku po e ‘feston’ 40-vjetorin Ervis Martinaj

TIRANË- Ervis Martinaj ka qenë kryefjalë e javëve të fundit, pasi në një kohë që cilësohet si “koka e krimit”, për fatin e tij askush nuk di asgjë. Mirëpo, për të sot është një ditë e rëndësishme. Sot Ervis Martinaj feston 40-vjetorin dhe kjo ditëlindje e gjen të zhdukur, ndoshta edhe të vrarë, ose mbase edhe i arratisur në një shtet tjetër duke festuar me festa të çmendura e siç ka ndodhur edhe më herët.

Ervis Martinaj është tashmë edhe një personazh që ka shtuar përplasjet mes qeverisë dhe opozitës. Këta të fundit shtrojnë pyetjen se “Ku është Ervis Martinaj”, e ndërsa kryeministri Edi Rama ka thënë se “Policia ka një version, por po kërkon për më shumë prova”.

Ervis Martinaj është një prej njerëzve më të njohur të botës së krimit në vend. Ai është konsideruar si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda, që kanë tronditur kryeqytetin.

B.K./SI.E./Shqiptarja.com

TAG:
• Ervis Martinaj