POP 5

Lajmet më të lexuara të 5 minutave të fundit

Kronikë

I zbulohet kokainë e armë
në banesë, në kërkim shijaksi

Makinë e blinduar, kokainë e ndarë në qese, automatikë, pistoletë, peshore për të peshuar drogën, fishekë janë arsenali i kapur në banesën e një shijaksi
DURRES-Makinë e blinduar, kokainë e ndarë në qese, automatikë, pistoletë, peshore për të peshuar drogën, fishekë janë arsenali i kapur në banesën e një shijaksi.

Specialistët për Hetimin e Narkotikëve në Drejtorinë Vendore të Policisë Durrës, në bazë të informacioneve të marra në rrugë operative, kanë finalizuar me sukses operacionin e koduar ”Streha” dhe kane shpallur ne kerkim poseduesin e tyre, nje banor te Shijakut.

Është shpallur në kërkim dhe po punohet për kapjen e shtetasit: • S. Gj. 43 vjeç, banues në Shijak.

Më datë 16.06.2017, gjatë kontrollit të ushtruar në banesën e shtetasit të mësipërm u gjetën dhe sekuestruan në cilësinë e provave materiale:

• 4 qese të mbushura me një sasi pluhuri me ngjyrë të bardhë e dyshuar me lëndë narkotike e llojit Kokainë, të futura në një kavanoz; rreth 150 gr.

• një peshore elektronike me mbishkrimin “LAICA”;

• Dy armë zjarri automatik, model 56 kal 7.62 mm;

• një armë zjarri pistolet tip “COLT’USA;

• Një armë gjahu e markës “BERETTA”, kal 12 mm;

• Një pistoletë sportive, tip Super Conter;

• 264 fishekë luftarakë mob 56, kal 7.62 mm.

• 95 fishekë mod 54, kal 7.62 mm;

• 7 fishekë pistolete, kal 45;

• 65 fishekë për armë gjahu, kal 12 mm;

• dy krehera automatiku, mod 56;

• Një automjet tip Benz, i blinduar.

Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale” Prodhimi dhe shitja e narkotikëve”, ” Prodhimi dhe mbajtja pa leje e armëve luftarake dhe e municionit”dhe” Prodhimi dhe mbajtja pa leje e armëve të gjuetisë dhe sportive.

(d.b/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13