‘Ik largohu, ik nga politika’, qytetari 'përzë' Berishën teksa shkonte në protestë

Ish kryeministri Sali Berisha ka shkuar në protestën për 7-vjeçaren e cila humbi jetën në Himarë.

Por mesa duket, një qytetar nuk ka dashur që tragjedinë ta kthejnë në politike.

‘Largohu nga këtu, Ikni politika ikni ju pleqtë'’- tha qytetari.

Edhe pse Berisha gjatë momentit kur iu drejtua qytetari me potere vendosi të mos e kthente në problem këtë reagim të qytetarit, në LIVE-n e tij në Facebook nuk shfaqet ky moment.

‘Mos i luaj. Janë ata të cilët që sa herë bien ngushtë, kërkojnë të largohet politika nga problemi, por politika është dhe do jetë në epiqendër të problemit.’-  u tha Berisha besnikëve pas reagimit të qytetarit.

Si ndodhi ngjarja e rëndë në Potam? 
Ngjarja e rëndë ndodhi dy ditë më parë (2 gusht) në Plazhin e Potamit në Himarë, ku 7-vjeçarja Jonada Avdia, u godit për vdekje nga një gomonja me drejtues policin Arjan Tase, teksa ajo po lahej në det. E mitura u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend. Fëmija, me origjinë nga Tropoja jetonte jashtë shtetit me familjen e saj në Angli, por ishte kthyer në atdhe për pushime.

G.MO/KT/Shqiptarja.com
  • Sondazhi i ditës:

    Rikthimi i PD-së me protesta në shtator, a do ta forcojë politikisht?



×

Lajmi i fundit

Patentat shqiptare do të njihen edhe në Arabinë Saudite! Pas 30 ditësh hyn në fuqi marrëveshja

Patentat shqiptare do të njihen edhe në Arabinë Saudite! Pas 30 ditësh hyn në fuqi marrëveshja