Këshilli i Ministrave ka vendosur krijimin e kompanisë shtetërore që do të prodhojë pasaportat dhe kartat biometrike. Ashtu siç është bërë me dije më parë, nuk do të jetë më Aleat-i i cili do të merret me prodhimin e pasaportave dhe kartave biometrike, por do t’i kalojë shtetit.
Kjo VKM i hap rrugë Ministrisë së Brendshme, e cila përfaqëson shtetin si pronar të 100 (njëqind) % të aksioneve të shoqërisë aksionare, që të punojë për ngritjen e kompanisë shtetërore brenda 30 ditëve. Krijimi i kësaj kompanie do t’i kushtojë buxhetit të 20 000 000 lekë.
Ende nuk dihet se çfarë çmimesh do të përcaktohen për pasaportat dhe kartat biometrike, por tarifat do të përcaktohen me udhëzim të përbashkët të ministrit të Brendshëm dhe të ministrit të Financave dhe Ekonomisë.
Aktualisht, shqiptarët, për të prodhuar një pasaportë personale duhet të paguajnë 7.500 lekë për një afat 15 ditor, ndërsa në një afat të përshpejtuar në vetëm 2 apo 3 ditë duhet të paguajnë 18.000 lekë, ndërsa për prodhimin e kartës së identitetit duhen 1.500 lekë.
Me kalimin e prodhimit të këtyre dokumenteve në duar të shtetit është hedhur ideja e uljes së çmimeve, por akoma nuk ka një vendimmarrje. Duke qenë se pasaporta është dokument jo i detyrueshëm dhe mund të bëhet me dëshirë, nuk priten shumë surpriza në ulje çmimi, por një gjë e tillë mund të bëhet me kartën e identitetit, e cila është e detyrueshme për personat mbi 16 vjeç.
Ky është koncensioni i dytë brenda pak kohësh që kalon nga koncensionari në duar të shtetit, pas atij të kontrollit teknik të automjeteve. Kontrata me Aleat përfundon në muajin korrik 2023. I gjithë kalimi nga “Aleat” në një kompaninë private do të bëhet brenda vitit 2023, dhe nisja e punës pritet të jetë gushti ose shtatori i këtij viti. “Aleat” ka detyrimin të vijoj prodhimin e dokumenteve edhe për një kohë të caktuar pas përfundimit të kontratës, derisa kompania shtetërore të jetë gati për të nisur punën.
Të gjitha asetet që janë krijuar nga kompania koncensionare, si burimet njerëzore, vendet e aplikimeve dhe pajisjet e investuara ndër vite, pritet t’i kalojnë kompanisë shtetërore, kjo e parashikuar që në kontratë dhe këtu nuk përfshihet problematikat dhe amortizimi i këtyre pajisjeve.
Kompania shtetërore do ofrojë kundrejt pagesës shërbimin e prodhimit dhe shpërndarjes së:
a) letërnjoftimit elektronik dhe pasaportës biometrike;
b) dokumentit biometrik (leje qëndrimi për të huajt për çdo motiv me përjashtim të lejes provizore dhe humanitare);
c) letërnjoftimit elektronik për personat që kanë përfituar statusin e refugjatit dhe mbrojtje plotësuese;
ç) dokumentit të udhëtimit për personat që kanë përfituar statusin e refugjatit dhe mbrojtje plotësuese;
d) çdo dokumenti tjetër biometrik që lëshon Ministria e Brendshme dhe institucionet në varësi të saj brenda fushës së përgjegjësisë shtetërore si dhe çdo shërbim tjetër në përputhje me qëllimin e krijimit dhe statutin e saj.
(Kliko këtu për të lexuar dokumentin e plotë)
Komente
Lajme të tjera
-
Aplikimi për dokumentet e identifikimit, emigrantët shqiptarë tashmë mund të zgjedhin nëse duan pasaportë biometrike apo kartë ID
25 Tetor, 21:15 -
SPAK merr të pandehur deputetin e PS, Plarent Ndreca! Shkeli barazinë në tenderë si sekretar në Ministrinë e Brendshme! Nga 4 komisariate, u rikonstruktuan 2
25 Tetor, 11:54
-
Ministria e Brendshme njofton shqiptarët që jetojnë jashtë për aplikimin për Letërnjoftim Elektronik ose Pasaportën Biometrike
25 Tetor, 11:48 -
VIDEOLAJM/ Dje u arrestua Ilir Meta, përfaqësuesja e SHBA-së takon ministrin e Brendshëm Ervin Hoxha
22 Tetor, 11:23 -
Pretendimi i PD se FNSH u nxori armën, ministri: S’ishin të armatosur, po zbatonin detyrën! Bardhi: Të hetohet kush dha urdhrin që policia të futej në Kuvend
18 Tetor, 11:01 -
Ministri Hoxha shkarkon drejtorin e Gjendjes Civile, Vangjush Stavro
16 Tetor, 13:38
-
Protesta e PD, ministri Hoxha: Shfaqje e shëmtuar, si kurrë më parë sulmuan edhe selinë e kundërshtarëve! Dhunuesit do përballen me drejtësinë
8 Tetor, 07:17 -
Protesta e opozitës, mbështetësit e PD bllokojnë rrugën dhe qarkullimin e mjeteve! E pësojnë dhe qytetarët, ndërhyn Policia
7 Tetor, 19:49 -
Ministri Hoxha prezanton Kryeadministratoren e re të AAPSK: Goditje në pikën më nevralgjike të krimit, pronat dhe paranë!
4 Tetor, 12:32 -
Ilir Proda merr detyrën e betohet, Ministri Hoxha: Dua sa më shpejt formatimin e policisë së shtetit! Hapet gara për drejtorët në qarqe
3 Tetor, 13:53
-
PD kërkon aleatë për 1 listë?! Mediu do kandidatë në çdo qark ku ka vota! Shehi "divorc" pa kthim: Primaret, tallje
25 Shtator, 15:41
-
Gara për drejtorin e Policisë së Shtetit, Komisioni interviston 11 kandidatët! Ministri i çon Ramës emrin e njërit të premten! Ja 3 favoritët
25 Shtator, 11:36
Mbase për pasaportat e të rriturve mund edhe mos të ulet, por fëmijët duhet me doemos të ulet çmimi. Për vetë faktin që dhe vlefshmëria nuk është e njejtë, por gjysëm periudhe kohore, edhe çmimi duhet të jetë 3750 lekë për pasaportat me afat kohor 5-vjeçar.
PërgjigjuIde shume e mire,rendesi ka qe cmimi i ulet te mos ndikoje ne uljen e cilesise se dokumentave.Personalisht duhet qe shteti duhet te vendose pronesine e tij dhe ne gjera,apo objekte te tjera me rendesi kombetare.
PërgjigjuKalimi i prodhimit te pashapirtave dhe kartave te identitetit eshte nje vlere e madhe e shtuar ne buxgetin e shtetit dhe jo oara te shqiptareve ne xhepin e privatit
Përgjigjutani e ka qeveria databazen ....imagjino dmth se cdo behet me te dhenat ...zot na ruaj
PërgjigjuMe thuj ne vend ne perendim qe pashapotat i ben nje kompani private? Nqs shteti nuk eshte ne gjendje te prodhoje as dokumentat e qytetareve te vet , athere eshte shtet bananesh. Me kete qeveria ka bere nje pune shume te mire. E vonuar do thoja. Biles qeveria duhet sa me shpejt te rishtetezoje hodrocentralet qe Berisha ja shiti turqve. Bistrica 1 , Bistrica 2.
Pse kur ska pas te dhenat e Shqiptarve qeverite e meparshme dhe tash. Çdo Shtet i ka te dhenat e qytetarve te vet.
Ky eshte vertete një lajm i mirë. Ishte gabim i madh dhenia e të gjithë databazes kombëtare një kompanie të huaj. Siguria kombëtare është cënuar. Gjithsesi, më mirë vonë sesa kurrë.
Përgjigju