Ikja e trishtë e mjedologut
Mentor Quku

Me pasionin tënd iu imponove meritueshëm botës shkencore dhe u afirmove si personalitet i nivelit akademik.Bota e mendimit dhe e letrave do ta ndjejë dukshëm humbjen tënde të parakohshme!...

Ndarja e parakohshme nga jeta e Mentor Qukut qe një humbje e vërtetë jo vetëm për familjen e miqtë, por njëheri për qytetin e më tej, veçanërisht për kulturën tonë, për shkencën albanologjike. E pashë me vend që si peng modest nderimi, në shenjë kujtimi të pashuar, gjithmonë të pranishëm, të sjell përshtypjet e kënaqësisë që pata provuar kur iu akordua titulli ”Mirënjohje e qytetit” të Shkodrës si dhe ato të paharruarat çaste të së pashmangshmes ndarjeje së hidhur.