POP 5

Lajmet më të lexuara të 5 minutave të fundit

Kronikë

“Sterlizimi”/ I rëndoi akuzën, Ilir Beqaj kërkon përjashtimin e gjyqtares

Avokati kërkoi nga gjyqtarja Davidhi, t’i vinte në dispozicion vendimin e arsyetuar për ndryshimin e akuzës ndaj Beqajt e pikërisht kjo kërkesë, bëri që seanca paraprake për dosjen e “Sterilizimit” të shtyhet.

TIRANE - Ish-ministri i Shëndetësisë, Ilir Beqaj, kërkoi përjashtimin e gjyqtares Floreja Davidhi, nga seanca paraprake për sterilizimin, ku pritet të vendoset për nisjen apo jo të gjykimit me 3 të pandehur, përfshirë ish-zv.ministrin Klodian Rjepaj dhe biznesmenin që fitoi koncesionin e sterilizimit, Ilir Rrapaj.

Kërkesa e Beqajt vjen pak kohë pasi e njëjta gjyqtare vendosi të rëndojë akuzën ndaj ish-ministrit, pranuar edhe nga SPAK, duke e rikualifikuar nga shpërdorim detyre, në vjedhje duke shpërdoruar detyrën në kuadër të grupit të strukturuar kriminal.

Avokati kërkoi nga gjyqtarja Davidhi, t’i vinte në dispozicion vendimin e arsyetuar për ndryshimin e akuzës ndaj Beqajt e pikërisht kjo kërkesë, bëri që seanca paraprake për dosjen e “Sterilizimit” të shtyhet për të disatën herë, e të caktohet për më 23 janar.

Me akuzën e re dhe nga hetimet që kanë zbuluar shkelje për koncesionin 10-vjeçar me vlerë 100 milionë euro, Ilir Beqaj, zëvendësi i tij dhe biznesmeni i sterilizimit që akuzohet për vjedhje të rëndë si grup kriminal, rrezikojnë të vuajnë më shumë vite burg, në rast se shpallen fajtor.

S.G/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Tiranë/ 69-vjeçari plagoset me mjet presës nga një 45-vjeçar, i moshuri goditi fillimisht me sende të forta

Tiranë/ 69-vjeçari plagoset me mjet presës nga një 45-vjeçar, i moshuri goditi fillimisht me sende të forta

9 Janar, 22:05